ເພີ່ມທະວີ ຄວາມສັກສິດ ແລະ ປະສິດທິຜົນ ໃນການບໍລິຫານ ແລະ ການຄຸ້ມຄອງລັດ-ສັງຄົມ,ສ້າງບາດກ້າວບຸກທະລຸ ອັນໝັກແໜ້ນ ໃນການນໍາພາປະເທດຊາດໃຫ້ຫຼຸດພົ້ນອອກຈາກສະຖານະພາບ ຂອງປະເທດດ້ອຍພັດທະນາ ໃນປີ 2020, ສໍາເລັດຄາດໝາຍສະຫັດສະຫວັດດ້ານການພັດທະນາ (MDGs) ປີ 2015 ແລະ ຈັດຕັ້ງປະຕິບັດແຜນພັດທະ ນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ VII ຢ່າງມີໄຊ!

ຄະນະຜູ້ແທນຂັ້ນສູງແຂວງກ້ວາງບິ່ງ ສສ ຫວຽດນາມ ມາຢ້ຽມຢາມ ແລະ ເຮັດວຽກຢູ່ແຂວງຈຳປາສັກ.

ໃນຕອນເຊົ້າຂອງວັນທີ 10 ສິງຫາ 2018 ທີ່ຜ່ານມານີ້ ຄະນະຜູ້ແທນຂັ້ນສູງຂອງແຂວງກ້ວາງບິ່ງ ສສ ຫວຽດນາມ, ເຊິ່ງນຳໂດຍ ສະຫາຍ ເຈິ່ນກົງທວດ, ຮອງເລຂາພັກແຂວງ, ຫົວໜ້າຄະນະຜູ້ແທນສະ ມາຊິກສະ ພາແຫ່ງຊາດແຂວງກ້ວາງບິ່ງ ພ້ອມຄະນະໄດ້ມາຢ້ຽມຢາມ ແລະ ເຮັດວຽກຢູ່ແຂວງຈຳປາສັກ ຢ່າງເປັນທາງການ.

ໃຫ້ກຽດຕ້ອນຮັບຢ່າງສົມກຽດໂດຍ ສະຫາຍ ນິພອນ ວຽງປະເສີດ, ຮອງເລຂາພັກແຂວງ, ຫົວໜ້າຄະ ນະຈັດຕັ້ງແຂວງຈຳປາສັກ, ທ່ານ ບົວລິນ ວົງພະຈັນ, ຄະນະປະຈຳພັກແຂວງ, ຮອງເຈົ້າແຂວງຈຳປາສັກ, ພ້ອມ ບັນດາສະຫາຍການນຳຂອງອົງຄະນະພັກ ແລະ ອຳນາດການປົກຄອງແຂວງຈຳປາສັກ ເຂົ້າຮ່ວມ

ໃນກອງປະຊຸມພົບປະ, ຄະນະຜູ້ແທນທັງສອງຝ່າຍ ໄດ້ລາຍງານສະພາບການພັດທະນາເສດຖະກິດ-ສັງ ຄົມ, ວຽກງານປ້ອງກັນຊາດ-ປ້ອງກັນຄວາມສະຫງົບ, ວຽກງານກໍ່ສ້າງພັກ ແລະ ອົງການຈັດຕັ້ງມະຫາຊົນ ຂອງ ທັງສອງຝ່າຍກໍ່ຄື ແຂວງຈຳປາສັກ ສປປ ລາວ ແລະ ແຂວງກ້ວາງບິ່ງ ສສ ຫວຽດນາມ, ພ້ອມກັນນັ້ນ ໄດ້ຮ່ວມ ກັນຕີລາຄາສະພາບ, ໝາກຜົນຂອງການຈັດຕັ້ງປະຕິບັດເນື້ອໃນບົດບັນທຶກຊ່ວຍຈຳ ທີ່ໄດ້ເຊັນຮ່ວມກັນໃນຄັ້ງ ວັນທີ 03.08.2016 ຢູ່ແຂວງກ້ວາງບິ່ງ ສສ ຫວຽດນາມ.  ຄະນະຜູ້ແທນທັງສອງຝ່າຍໄດ້ຄົ້ນຄ້ວາປຶກສາຫາລື ແລະ ເອກະພາບຮ່ວມກັນຕໍ່ບັນດາເນື້ອໃນທີ່ຈະຮ່ວມມືກັນໃນຕໍ່ໜ້າຄືດັ່ງນີ້: ກ່ຽວກັບການພົວພັນ ລະຫວ່າງ ຂົງເຂດຂອງພັກ, ອຳນາດການປົກຄອງ ແລະ ອົງການຈັດຕັ້ງມະຫາຊົນ ໂດຍຄະນະທັງສອງຝ່າຍສືບຕໍ່ ເພີ້ມທະ ວີການສຶກສາອົບຮົມໃຫ້ປະຊາຊົນຂອງສອງແຂວງ, ເປັນຕົ້ນແມ່ນຊາວໜຸ່ມເຍົາວະຊົນໄດ້ຮັບຮູ້ເຂົ້າໃຈກ່ຽວກັບມູນ ເຊື້ອມິດຕະພາບ, ຄວາມສາມັກຄີພິເສດລະຫວ່າງ ສອງພັກ-ສອງລັດ ແລະ ປະຊາຊົນສອງຊາດ ລາວ-ຫວຽດນາມ ເວົ້າລວມ, ເວົ້່າສະເພາະສອງແຂວງຈຳປາສັກ ແລະ ກ້ວາງບິ່ງ,  ໃຫ້ທັງສອງຝ່າຍຜັນປ່ຽນກັນເປັນເຈົ້າພາບ 2 ປີຕໍ່ຄັ້ງ ໃນການຈັດກອງປະຊຸມພົບປະແລກປ່ຽນ ລະຫວ່າງ ຄະນະຜູ້ແທນຂັ້ນສູງຂອງອົງຄະນະພັກ,   ອຳນາດການ ປົກ ຄອງຂອງສອງແຂວງ. ເປັນການສ້າງເງື່ອນໄຂໃຫ້ແກ່ອົງການຂອງພັກ, ອົງການຈັດຕັ້ງມະຫາຊົນ,   ອຳນາດການປົກ ຄອງສອງຝ່າຍ ໄດ້ມີການແລກປ່ຽນບົດຮຽນ ແລະ ປະຕິບັດບັນດາເນື້ອໃນໃຫ້ປະກົດຜົນເປັນຈິງ.

ຕອນທ້າຍທາງອຳນາດການປົກຄອງແຂວງກ້ວາງບິ່ງ ສສ ຫວຽດນາມ ໄດ້ປະກາດມອບໃບຍ້ອງຍໍໃຫ້ ກົມກອງ ແລະ ບຸກຄົນ ທີ່ມີຜົນງານສາຍພົວພັນການຮ່ວມມືລະຫວ່າງສອງປະເທດດີເດັ່ນ, ປະເພດກົມກອງມີ: 1.ພະແນກການຕ່າງປະເທດ, 2. ພະແນກສຶກສາ ແລະ ກິລາ, 3.ພະແນກຍຸດຕິທຳ,  ສ່ວນປະເພດບຸກຄົນມີ: 1.ທ່ານ ບົວລິນ ວົງພະຈັນ ຮອງເຈົ້າແຂວງຈຳປາສັກ, 2.ທ່ານ ບົວລີ ເພັດສົງຄາມ ຫົວໜ້າຫ້ອງວ່າການ ແຂວງຈຳປາສັກ, 3.ທ່ານ ສົມບັດ ແສງພັນຊ່ອງ ຫົວໜ້າ​ພະ​ແນ​ກອຸດ​ສະ​ຫາ​ກຳ ​ແລະ ການ​ຄ້າ​ແຂວງ, 4.ທ່ານ ບຸນເລີດ ວໍລະຈິດ ຫົວໜ້າພະ​ແນ​ກຍຸດຕິ​ທຳແຂວງ, 5.ທ່ານ ພູໄຫວ ສັກນະລາດ ຫົວໜ້າຂະແໜງສະຖິຕິແຜນການ (ພະແນກສຶກສາ ແລະ ກິລາ), 6. ທ່ານ ພຸດທະເດດ ນໍຍານຊະນະ ຫົວໜ້າໜ່ວຍງານຮ່ວມມືສາກົນ.

 

ພາບ-ຂ່າວ:ທັດຊະນະ ແສງດາລາ.

 

ຈຳນວນຜູ້ເຂົ້າຊົມ

82164
ມື້ນີ້:ມື້ນີ້:2
ມື້ວານນີ້:ມື້ວານນີ້:75
ອາທິດນີ້:ອາທິດນີ້:54
ເດືອນນີ້:ເດືອນນີ້:2048
ທັງໝົດ:ທັງໝົດ:82164