ຂ່ຳນັບຮັບຕ້ອນວັນຊາດທີ 2 ທັນວາ ຄົບຮອບ 42 ປີຢ່າງສຸດໃຈ!, ຮ່ວມກັນເປັນເຈົ້າພາບທີ່ດີໃນປີທ່ອງທ່ຽວລາວ 2018

ປະຫວັດຄວາມເປັນມາ ຂອງແຂວງຈຳປາສັກ

ແຂວງຈຳປາສັກ ຕັ້ງຢູ່ພາກໃຕ້ສຸດ ຂອງສປປລາວ, ມີເນື້ອທີ່1,541,500 ຮຕ, ປະກອບມີ10ເມືອງ, 639ບ້ານ, ມີພົນລະເມືອງ630,868ຄົນ, ຍິງ322,250 ຄົນ ແລະ ມີເຂດແດນຕິດຈອດກັບ2ປະເທດ ແລະ 3ແຂວງຄື:

  1. ທິດເໜືອຕິດກັບແຂວງສາລະວັນ, ຍາວ140 ກມ.
  2. ທິດໃຕ້ຕິດກັບຮາຊະອານາຈັກກຳປູເຈຍ, ຍາວ135 ກມ.
  3. ທິດຕາເວັນອອກຕິດກັບແຂວງເຊກອງ ແລະ ອັດຕາປື, ຍາວ 180 ກມ.
  4.  ທິດຕາເວັນຕົກຕິດກັບຮາຊະອານາຈັກໄທ, ຍາວ 233 ກມ.

ແຂວງຈຳປາສັກ ເປັນັຜທີ່ມີແມ່ນ້ຳຂອງໄຫຼຜ່ານ ແລະ ແບ່ງເນື້ອທີ່ອອກເປັນ2ຝັ່ງຄື: ຝັ່ງຕາເວັນອອກມີ6ເມືອງ(ເມືອງຊະນະສົມບູນ, ບາຈຽງ ຈະເລີນສຸກ, ປາກເຊ, ປາກຊ່ອງ, ປະທຸມພອນ ແລະ ເມືອງໂຂງ; ຝັ່ງຕາເວັນຕົກມີ4ເມືອງ(ເມືອງໂພນທອງ, ຈຳປາສັກ, ສຸຂຸມາ ແລະ ເມືອງມຸນລະປະ ໂມກ.

ແຂວງຈຳປາສັກ ເປັນແຂວງໜື່ງຂອງປະເທດລາວ ຕັ້ງຢູ່ພາກໃຕ້ສຸດຂອງປະເທດ ມີຊາຍແດນຕິດຈອດກັບປະເທດກຳປູເຈຍ ແລະ ປະເທດໄທ ແລະ ເປັນເມືອງໃຫ່ຍອັນດັບ3ຂອງລາວ(ຮອງຈາກເມືອງວຽງຈັນ ແລະ ເມືອງໄກສອນ ພົມວິຫານ ຖືເປັນສູນກາງການເມືອງ ການປົກຄອງ ແລະ ເສດຖະກິດ ລວມໄປເຖິ່ງການທ່ອງທ່ຽງຂອງລາວ ໃນພາກໃຕ້ ເປັນບໍລິເວນທີ່ມີຄວາມອຸດົມສົມບູນ ເນື່ອງຈາກມີແມ່ນ້ຳຂອງໄຫຼຜ່ານກາງ ແລະ ມີເກາະດອນ ແລະ ແກ້ງເປັນຈຳນວ ນຫຼວງຫຼາຍ ຈົນໄດ້ຊື່ວ່າ: "ດິນແດນສີພັນດອນ".

ພື້ນທີ່ແຂວງຈຳປາສັກ ໄດ້ແບ່ງອອກເປັນ2ເຂດຄື: ເຂດທົ່ງພຽງກວມ74%, ເຂດພູພຽງກວມ26%, ໃນນັ້ນໄດ້ແບ່ງເຂດກະສິກຳອອກເປັນ4ບໍລິເວນຄື:

  1.  ເຂດພູພຽງບໍລິເວນກວມເອົາໝົດພື້ນທີ່ເມືອງປາກຊ່ອງ.
  2. ເຂດບໍລິເວນເຊື່ອມຕໍ່ລະຫວ່າງພູພຽງ ແລະ ທົ່ງພຽງ ເຊິ່ງກວມເອົາເມືອງບາຈຽງຈະເລີນສຸກ, ສ່ວນໜື່ງຂອງເມືອງຊະນະສົມບູນ ແລະ ສ່ວນໜື່ງ ຂອງເມືອງປະທຸມພອນ.
  3. ເຂດບໍລິເວນທົ່ງພຽງລຽບແຄມແມ່ນ້ຳຂອງ, ບັນດາເກາະດອນກວມເອົາເມືອງຊະນະສົມບູນ, ເມືອງປາກເຊ, ເມືອງປະທຸມພອນ, ຈຳປາສັກ,ສຸຂຸ ມາ, ມຸນລະປະໂມກ ແລະ ເມືອງໂຂງ.
  4. ບໍລິເວນດິນໂຄກ, ດິນເຊື່ອມໂຊມ ສ່ວນຫຼາຍແມ່ນຢູ່ເມືອງຝັ່ງຂວາ ແມ່ນ້ຳຂອງ ມີເມືອງໂພນທອງ, ຈຳປາສັກ, ສຸຂຸມາ ແລະ ເມືອງມຸນລະປະ ໂມກ.

ນອກຈາກການແບ່ງເນື້ອທີ່ດິນກະສິກຳແລ້ວ ແຂວງຈຳປາສັກຍັງມີທ່າແຮງບົ່ງຊ້ອນ ດ້ານການທ່ອງທ່ຽວ ໂດຍໄດ້ແບ່ງເຂດທ່ອງທ່ຽວອອກເປັນ4ກຸ່ມຄື:

  1.  ກຸ່ມທ່ອງທ່ຽວທຳມະຊາດ ແລະ ເກາະດອນ
  2.  ກຸ່ມທ່ອງທ່ຽວວັດທະນະທຳບູຮານ
  3.  ກຸ່ມທ່ອງທ່ຽວທຳມະຊາດພູພຽງບໍລິເວນ
  4. ກຸ່ມທ່ອງທ່ຽວປະຫັວດສາດ ແລະ ວັດທະນະທຳ

ຈຳນວນຜູ້ເຂົ້າຊົມ

79150
ມື້ນີ້:ມື້ນີ້:71
ມື້ວານນີ້:ມື້ວານນີ້:70
ອາທິດນີ້:ອາທິດນີ້:232
ເດືອນນີ້:ເດືອນນີ້:990
ທັງໝົດ:ທັງໝົດ:79150