ເພີ່ມທະວີ ຄວາມສັກສິດ ແລະ ປະສິດທິຜົນ ໃນການບໍລິຫານ ແລະ ການຄຸ້ມຄອງລັດ-ສັງຄົມ,ສ້າງບາດກ້າວບຸກທະລຸ ອັນໝັກແໜ້ນ ໃນການນໍາພາປະເທດຊາດໃຫ້ຫຼຸດພົ້ນອອກຈາກສະຖານະພາບ ຂອງປະເທດດ້ອຍພັດທະນາ ໃນປີ 2020, ສໍາເລັດຄາດໝາຍສະຫັດສະຫວັດດ້ານການພັດທະນາ (MDGs) ປີ 2015 ແລະ ຈັດຕັ້ງປະຕິບັດແຜນພັດທະ ນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ VII ຢ່າງມີໄຊ!

ທ່ານ ປອ. ບຸນຖອງ ດີວິໄຊ ເລຂາພັກແຂວງ ເຈົ້າແຂວງຈຳປາສັກ ໄດ້ໃຫ້ກຽດຕ້ອນຮັບ ທ່ານ ຢາຊູຊິ ເນຈິຊິ ( Yasushi Negishi ) ຫົວໜ້າ ທະນາຄານພັດທະນາເອຊີ ( ADB ) ປະຈຳ ສປປ ລາວ

 ວັນທີ 6 ພະຈິກ 2019, ທີ່ຫ້ອງຮັບແຂກພິເສດ ຫ້ອງວ່າການແຂວງຈຳປາສັກ, ທ່ານ ປອ. ບຸນຖອງ ດີວິໄຊ ເລຂາພັກແຂວງ ເຈົ້າແຂວງຈຳປາສັກ ໄດ້ໃຫ້ກຽດຕ້ອນຮັບ ທ່ານ ຢາຊູຊິ ເນຈິຊິ ( Yasushi Negishi ) ຫົວໜ້າ ທະນາຄານພັດທະນາເອຊີ ( ADB ) ປະຈຳ ສປປ ລາວ ພ້ອມດ້ວຍຄະນະ ໃນໂອກາດທີ່ທ່ານເດີນທາງມາຢ້ຽມຢາມ ແລະເຮັດວຽກຢູ່ແຂວງຈຳປາສັກ.

ໃນໂອກາດທີ່ ຄະນະ ທ່ານ ຢາຊູຊິ ເນຈິຊິ ຫົວໜ້າທະນາຄານພັດທະນາເອຊີ ( ADB ) ປະຈຳ ສປປ ລາວ ໄດ້ເດີນທາງມາຢ້ຽມຢາມແຂວງຈຳປາສັກ ໃນເທື່ອນີ້ ທ່ານເຈົ້າແຂວງຈຳປາສັກ ກໍ່ໄດ້ກ່າວຕ້ອນຮັບຢ່າງອົບອຸ່ນ ພ້ອມທັງ ກ່າວຄຳຂອບໃຈທີ່ທາງຄະນະດັ່ງກ່າວ ທີ່ໄດ້ສະຫຼະເວລາອັນມີຄຸນຄ່າ ເດີນທາງມາຢ້ຽມຢາມ ແລະຮູ້ບຸນຄຸນ ສຳລັບທຸກໆການຮ່ວມມື ຊ່ວຍເຫຼືອ ສາຍພົວພັນ ADB ກັບລັດຖະບານລາວ ກໍ່ຄື ແຂວງຈຳປາສັກຂອງພວກເຮົາ.

ຈາກນັ້ນ ທ່ານເຈົ້າແຂວງຈຳປາສັກ ກໍ່ໄດ້ລາຍງານໃຫ້ຮູ້ເຖິງສະພາບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ສະພາບຂອງການລົງທຶນພາຍໃນແຂວງ ໂດຍລວມ, ໂຄງການຂອງ ADB ທີ່ພວມປະຕິບັດຢູ່ແຂວງຈຳປາສັກ ເປັນຕົ້ນກໍ່ແມ່ນ ໂຄງການພັດທະນາ ກັນເຈື່ອນ ແຄມເຊໂດນ ເພື່ອປັບປຸງສິ່ງແວດລ້ອມໃນຕົວເມືອງ, ການຊ່ວຍເຫຼືອທາງດ້ານຂະແໜງການສຶກສາ, ເພື່ອພັດທະນາຊັບພະຍາກອນມະນຸດໃຫ້ມີຄຸນນະພາບ ແລະຍັງມີອີກຫຼາຍໆໂຄງການ, ຍ້ອມການຊ່ວຍເຫຼືອດັ່ງກ່າວຈິ່ງເຮັດໃຫ້ແຂວງຈຳປາສັກໄດ້ຮັບການພັດທະນາ ແລະມີການປັບປຸງດີຂື້ນ.

ໂອກາດດຽວກັນ ທ່ານ ຢາຊູຊິ ເນຈິຊິ ຫົວໜ້າທະນາຄານພັດທະນາເອຊີ ( ADB ) ປະຈຳ ສປປ ລາວ ກໍ່ໄດ້ສະແດງຄວາມຂອບໃຈໃນການຕ້ອນຮັບອັນອົບອຸ່ນ ແລະຂອບໃຈ ສຳລັບລາຍລະອຽດ ກ່ຽວກັບສະພາບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ການລົງທຶນພາຍໃນແຂວງ ໂດຍລວມ, ສຳລັບຈຸດປະສົງ ໃນການເດີນທາງມາຢ້ຽມຢາມ ແລະເຮັດວຽກຢູ່ແຂວງຈຳປາສັກໃນເທື່ອນີ້ ກໍ່ແມ່ນເພື່ອມາຢ້ຽມຢາມ ແລະກວດກາຄືນ ສຳລັບທຸກໆບັນດາໂຄງການທີ່ໄດ້ດຳເນີນຢູ່ແຂວງຈຳປາສັກ. ຈາກນັ້ນ, ຄະນະດັ່ງກ່າວ ກໍ່ໄດ້ໄປຢ້ຽມຢາມ ມະຫາວິທະຍາໄລ ຈຳປາສັກ ແລະວິທະຍາໄລເຕັກນິກ-ວິຊາຊີບ ແຂວງຈຳປາສັກ ເພື່ອສຶກສາຄວາມເປັນໄປໄດ້ໃນການສ້າງພື້ນຖານໂຄງລ່າງ ປະກອບສ້າງການຍົກລະດັບຄູ-ອາຈານ ໃນຂັ້ນຕໍ່ໆໄປ.

 

ຂ່າວ: ທັດຊະນະ ຫວຂ.

ຈຳນວນຜູ້ເຂົ້າຊົມ

93329
ມື້ນີ້:ມື້ນີ້:7
ມື້ວານນີ້:ມື້ວານນີ້:77
ອາທິດນີ້:ອາທິດນີ້:241
ເດືອນນີ້:ເດືອນນີ້:1483
ທັງໝົດ:ທັງໝົດ:93329
Göktürk evden eve nakliyat Göktürk evden eve nakliyat