ເພີ່ມທະວີ ຄວາມສັກສິດ ແລະ ປະສິດທິຜົນ ໃນການບໍລິຫານ ແລະ ການຄຸ້ມຄອງລັດ-ສັງຄົມ,ສ້າງບາດກ້າວບຸກທະລຸ ອັນໝັກແໜ້ນ ໃນການນໍາພາປະເທດຊາດໃຫ້ຫຼຸດພົ້ນອອກຈາກສະຖານະພາບ ຂອງປະເທດດ້ອຍພັດທະນາ ໃນປີ 2020, ສໍາເລັດຄາດໝາຍສະຫັດສະຫວັດດ້ານການພັດທະນາ (MDGs) ປີ 2015 ແລະ ຈັດຕັ້ງປະຕິບັດແຜນພັດທະ ນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ VII ຢ່າງມີໄຊ!

ຄະນະພັກແຂວງຈຳປາສັກ ວາງພວງມາລາ ແລະ ໄຫວ້ອາໄລ ຕໍ່ການເສຍຊີວິດຂອງສະຫາຍ ເຈິ່ນ ດ່າຍ ກວາງ

ໃນຕອນເຊົ້າ ຂອງວັນທີ 26 ກັນຍາ 2018 ​ທີ່ສະຖານກົງສູນຫວຽດນາມ ປະຈຳ 4 ແຂວງພາກ​ໃຕ້, ສະຫາຍ ບຸນຖອງ ດີວິໄຊ ເລຂາພັກແຂວງ, ເຈົ້າແຂວງຈຳປາສັກ ພ້ອມດ້ວຍຄະນະ ໄດ້ໄປວາງພວງມາລາ ແລະ ຂຽນປຶ້ມໄຫວ້ອາໄລ ຕໍ່ການເສຍຊີວິດຂອງສະຫາຍ ເຈິ່ນ ດ໋າຍ ກວາງ ກຳມະການກົມກາເມືອງ ສູນກາງພັກຄອມມຸຍນິດຫວຽດນາມ, ປະທານປະເທດແຫ່ງ ສສ ຫວຽດນາມ.

​     ໃນໂອກາດດັ່ງກ່າວ, ສະຫາຍ ບຸນຖອງ ດີວິໄຊ ພ້ອມດ້ວຍຄະນະ ໄດ້ວາງພວງມະລາ ແລະ ຢືນກົ້ມຫົວໄຫວ້ອາໄລ ພ້ອມທັງ ຂຽນປຶ້ມໄຫວ້ອາໄລ ຕໍ່ການເສຍຊີວິດຂອງສະຫາຍ ເຈິ່ນ ດ໋າຍ ກວາງ, ຊຶ່ງມີເນື້ອໃນ ຄື: "ຕາງໜ້າຄະນະພັກແຂວງຈຳປາສັກ, ກໍ່ຄື ໃນນາມສ່ວນຕົວ, ຂ້າພະເຈົ້າ ຂໍສະແດງອາໄລຮັກຢ່າງສຸດຊຶ້ງ ຕໍ່ການຈາກໄປຢ່າງບໍ່ມີວັນກັບຄືນມາຂອງ ສະຫາຍ ເຈິ່ນ ດ໋າຍ ກວາງ, ກຳມະການກົມການເມືອງສູນກາງພັກ, ປະທານປະເທດແຫ່ງ ສສ ຫວຽດນາມ. ການຈາກໄປຂອງ ສະຫາຍ ເຈິ່ນ ດ໋າຍ ກວາງ ບໍ່ພຽງແຕ່ເປັນການສູນເສຍຜູ້ນຳທີ່ເຄົາລົບຮັກຂອງພັກ, ລັດ ແລະ ປະຊາຊົນ ຫວຽດນາມ ແຕ່ຍັງເປັນການສູນເສຍເພື່ອນມິດສະຫາຍທີ່ໃກ້ຊິດ ແລະ ສະໜິດສະໜົມທີ່ສຸດ ຂອງພັກ, ລັດ ແລະ ປະຊາຊົນລາວ ອີກດ້ວຍ.

     ຕະຫຼອດໄລຍະຊີວິດເຄື່ອນໄຫວປະຕິວັດຂອງຕົນ, ສະຫາຍ ເຈິ່ນ ດ໋າຍ ກວາງ ໄດ້ປະກອບສ່ວນຢ່າງຢ່າງຕັ້ງໜ້າ ໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ຂອງ ສສ ຫວຽດນາມ, ກໍ່ຄືໃນການເສີ່ມຂະຫຍາຍສາຍພົວພັນມິດຕະ ພາບອັນຍິ່ງໃຫຍ່ ຄວາມສາມັກຄີພິເສດ ແລະ ການຮ່ວມຮອບດ້ານ ລະຫວ່າງ ລາວ ແລະ ຫວຽດນາມ ໃຫ້ນັບມື້ນັບຂຽວສົດງົດງາມ. ຄະນະພັກແຂວງຈຳປາສັກ ຂໍສະແດງຄວາມອາໄລອາວອນ ຢ່າງສຸດຊຶ້ງ ແລະ ຂໍແບ່ງເບົາຄວາມທຸກໂສກມາຍັງ ພັກ, ລັດຖະບານ ແຫ່ງ ສສ ຫວຽດນາມ ແລະ ປະຊາຊົນຫວຽດນາມ ອ້າຍນ້ອງ ໂດຍສະເພາະ ຕໍ່ຄອບຄົວ, ຍາດຕິພີ່ນ້ອງ ແລະ ເພື່ອນມິດຂອງ ສະຫາຍ ເຈິ່ນ ດ໋າຍ ກວາງ ມານະໂອກາດນີ້ດ້ວຍ. ຂໍໃຫ້ດວງວິນຍານຂອງ ສະຫາຍ ເຈິ່ນ ດ໋າຍ ກວາງ ຈົ່ງໄປສູ່ສຸຂະຕິ ດ້ວຍເຖິ້ນ".​

 ຂ່າວ-ພາບ: ທັດຊະນະ ແສງດາລາ

ຈຳນວນຜູ້ເຂົ້າຊົມ

84128
ມື້ນີ້:ມື້ນີ້:27
ມື້ວານນີ້:ມື້ວານນີ້:113
ອາທິດນີ້:ອາທິດນີ້:390
ເດືອນນີ້:ເດືອນນີ້:1077
ທັງໝົດ:ທັງໝົດ:84128