ເພີ່ມທະວີ ຄວາມສັກສິດ ແລະ ປະສິດທິຜົນ ໃນການບໍລິຫານ ແລະ ການຄຸ້ມຄອງລັດ-ສັງຄົມ,ສ້າງບາດກ້າວບຸກທະລຸ ອັນໝັກແໜ້ນ ໃນການນໍາພາປະເທດຊາດໃຫ້ຫຼຸດພົ້ນອອກຈາກສະຖານະພາບ ຂອງປະເທດດ້ອຍພັດທະນາ ໃນປີ 2020, ສໍາເລັດຄາດໝາຍສະຫັດສະຫວັດດ້ານການພັດທະນາ (MDGs) ປີ 2015 ແລະ ຈັດຕັ້ງປະຕິບັດແຜນພັດທະ ນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ VII ຢ່າງມີໄຊ!

ພິທີປະກາດການຈັດຕັ້ງຂອງຫ້ອງວ່າການແຂວງຈຳປາສັກ

 

ເມື່ອວັນທີ 14 ກັນຍາ 2018 ນີ້ຢູ່ທີ່ຫ້ອງວ່າການປົກຄອງແຂວງຈຳປາສັກ ມີກອງປະຊຸມປະກາດການຈັດຕັ້ງພາຍໃນຫ້ອງວ່າການແຂວງຈຳປາສັກ ໂດຍການເຂົ້າຮ່ວມຂອງທ່ານ ບົວສອນ ວົງສອງຄອນ ຮອງເຈົ້າແຂວງຈຳປາສັກ , ມີຄະນະຈັດຕັ້ງແຂວງ, ພະແນກການອ້ອມຂ້າງ, ຫົວໜ້າຫ້ອງວ່າການປົກຄອງເມຶອງ 9 ເມຶອງ 1 ນະຄອນ ແລະ ພະນັກງານ-ລັດຖະກອນພາຍໃນຫ້ອງວ່າການແຂວງເຂົ້າຮ່ວມ

ກອງປະຊຸມດັ່ງກ່າວ ແມ່ນເຜີຍແຜ່ ແນະນຳກ່ຽວກັບບົດບາດການເຄື່ອນໄຫວຂອງຫ້ອງວ່າການ ທີ່ໄດ້ມີການປັບປຸງໃນໄລຍະໄໝ່ ແລະ ຕິດພັນກັບການປະກາດການຈັດຕັ້ງ  ສັບຊ້ອນຕຳແໜ່ງງານຢູ່ພາຍໃນຫ້ອງວ່າການແຂວງ, ມີເນື້ອໄນສຳຄັນ ສະແດງໃຫ້ເຫັນເຖິງການພ້ອມກັນຈັດຕັ້ງ ຜັນຂະຫຍາຍ ຕາມມະຕິ X ຂອງພັກ ແລະ ຈັດຕັ້ງ ຜັນຂະຫຍາຍຕາມມະຕິ VII ຂອງອົງຄະນະພັກແຂວງ  ທີ່ໄດ້ກຳນົດໄວ້ ໃນເນື້ອໃນທີ່ວ່າ ກ່ຽວກັບການເພີ້ມທະວີ ປະສິດທິພາບ ປະສິດທິຜົນຂອງການບໍລິຫານລັດ ໃຫ້ເປັນຮູບປະທຳ ແລະ  ມີຜົນສຳເລັດນັບມື້ນັບສູງຂື້ນໃນຕໍ່ໜ້າ

ໃນກອງປະຊຸມ ທ່ານ ບົວລີ ເພັດສົງຄາມ ຫົວໜ້າຫ້ອງວ່າການປົກຄອງແຂວງຈຳປາສັກໄດ້ຂື້ນຜ່ານຂໍ້ຕົກລົງ ຂອງເຈົ້າແຂວງ ວ່າດ້ວຍການຈັດຕັ້ງ ແລະ ການເຄື່ອນໄຫວຂອງຫ້ອງວ່າການແຂວງຈຳປາສັກ ສະບັບເລກທີ 580/ຈຂ.ຈສ,ລົງວັນທີ 11/6/2018, ເຊິ່ງກຳນົດທີ່ຕັ້ງ, ພາລະບົດບາດ, ໜ້າທີ່ ຂອບເຂດສິດ,ໂຄງກປະກອບການຈັດຕັ້ງ, ຫຼັກການ ແລະ ແບບແຜນວິທີເຮັດວຽກ ເພື່ອເປັນບ່ອນອີງໃຫ້ແກ່ການຈັດຕັ້ງ ແລະ  ການເຄື່ອນໄຫວຂອງຫ້ອງວ່າການແຂວງຈຳປາສັກ, ແນໃສ່ຍົກສູງຄວາມຮັບຜິດຊອບ, ປະສິດທິພາບ ແລະ ປະສິດທິຜົນໃນການປະຕິບັດພາລະບົດບາດຂອງຕົນ.  ຈາກນັ້ນຄະນະຈັດຕັ້ງພິທີໄດ້ຜ່ານ ຂໍ້ຕົກລົງ ວ່າດ້ວຍການແຕ່ງຕັ້ງ ຮອງຫົວໜ້າຫ້ອງວ່າການແຂວງຈຳປາສັກ,  ຂໍ້ຕົກລົງ ວ່າດ້ວຍການແຕ່ງຕັ້ງ ຫົວໜ້າຂະແໜງ ພາຍໃນຫ້ອງວ່າການແຂວງ, ຂໍ້ຕົກລົງ ວ່າດ້ວຍການແຕ່ງຕັ້ງ ຮອງ ຫົວໜ້າຂະແໜງ ພາຍໃນຫ້ອງວ່າການແຂວງ, ຂໍ້ຕົກລົງ ວ່າດ້ວຍການຍົກຍ້າຍ ແລະ ແຕ່ງຕັ້ງພະນັກງານ-ລັດຖະກອນ ໄປຮັບໜ້າທີ່ໃໝ່ຢູ່ພາກສ່ວນອື່ນ, ຂໍ້ຕົກລົງວ່າດ້ວຍການແບ່ງຄວາມຮັບຜິດຊອບ  ພາຍໃນຄະນະນຳຫ້ອງວ່າການແຂວງຈຳປາສັກ; ເຊິ່ງລວມມີ 17 ຕໍແໜ່ງງານທີ່ຖືກປະກາດແຕ່ງຕັ້ງ ແລະ ອີກ 2 ທ່ານ  ທີ່ຖືກແຕ່ງຕັ້ງຍົກຍ້າຍໄປປະຈຳການຢູ່ພະແນກການອື່ນ.

ໂອກາດດັ່ງກ່າວ ທ່ານ ບົວສອນ ວົງສອງຄອນ ຮອງເຈົ້າແຂວງຈຳປາສັກ ໄດ້ມີຄຳເຫັນ ຄຳເວົ້າອັນຈົບງາມ ແລະ ໃຫ້ທິດຊີ້ນຳທີ່ເຕັມໄປດ້ວຍຄວາມໝາຍຄວາມສຳຄັນຍິ່ງ, ພ້ອມທັງໄດ້ນັ້ນໜັກ 9 ໜ້າວຽກທີ່ຕ້ອງໄດ້ສຸມໃສ່ນຳພາ ຊີ້ນຳ, ເພື່ອການສືບຕໍ່ປະຕິບັດໜ້າທີ່ຂອງພະນັກງານ-ລັດຖະກອນ ຫ້ອງວ່າການແຂວງ, ຫ້ອງວ່າການເມືອງ ແລະ ແນ່ໃສ່ຍົກສູງຄຸນນະພາບການເປັນເສນາທິການ ແລະ ການເປັນຜູ້ປະສານງານທີ່ດີ ເພື່ອຮັບປະກັນໃນການປະຕິບັດບົດບາດຂອງຄະນະພັກ ອົງການປົກຄອງແຂວງ ແລະ ເມືອງ.

 

ຂ່າວ-ພາບ: ທັດຊະນະ ແສງດາລາ

ຈຳນວນຜູ້ເຂົ້າຊົມ

84132
ມື້ນີ້:ມື້ນີ້:31
ມື້ວານນີ້:ມື້ວານນີ້:113
ອາທິດນີ້:ອາທິດນີ້:394
ເດືອນນີ້:ເດືອນນີ້:1081
ທັງໝົດ:ທັງໝົດ:84132