ເພີ່ມທະວີ ຄວາມສັກສິດ ແລະ ປະສິດທິຜົນ ໃນການບໍລິຫານ ແລະ ການຄຸ້ມຄອງລັດ-ສັງຄົມ,ສ້າງບາດກ້າວບຸກທະລຸ ອັນໝັກແໜ້ນ ໃນການນໍາພາປະເທດຊາດໃຫ້ຫຼຸດພົ້ນອອກຈາກສະຖານະພາບ ຂອງປະເທດດ້ອຍພັດທະນາ ໃນປີ 2020, ສໍາເລັດຄາດໝາຍສະຫັດສະຫວັດດ້ານການພັດທະນາ (MDGs) ປີ 2015 ແລະ ຈັດຕັ້ງປະຕິບັດແຜນພັດທະ ນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ VII ຢ່າງມີໄຊ!

ເຈົ້າແຂວງຈຳປາສັກ ຕ້ອນຮັບ ພະອາຈານ ຊິເງະຢະ ນາກາໂນະ ກົງສູນກິດຕີມະສັກ ສປປ ລາວ ປະຈຳ ເມືອງນາໂກຢາ ປະເທດຍິ່ປຸ່ນ

ວັນທີ 31 ສິງຫາ 2018 ທີ່ຜ່ານມານີ້, ທ່ານ ປ.ອ ບຸນຖອງດີວິໄຊ ເຈົ້າແຂວງຈຳປາສັກ ໄດ້ໃຫ້ກຽດຕ້ອນຮັບ ທ່ານ ພະອາຈານ ຊິເງະຢະ ນາກາໂນະ ກົງສູນກິດຕີມະສັກ ສປປ ລາວ ປະຈຳ ເມືອງນາໂກຢາ ປະເທດຍິ່ປຸ່ນ ພ້ອມຄະນະເຂົ້າພົບປະ ຢ້ຽມຢາມໃນໂອກາດທີ່ຄະນະຜູ້ແທນດັ່ງກ່າວເດີນທາງມາເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງຈຳປາສັກ.

ພິທີຕ້ອນຮັບຄັ້ງນີ້ ຈັດຂຶ້ນຢູ່ຫ້ອງຮັບແຂກພິເສດ ຫ້ອງວ່າການແຂວງ, ກ່ອນອື່ນ ທ່ານ ປ.ອ ບຸນຖອງດີວິໄຊ ເຈົ້າແຂວງຈຳປາສັກ ໄດ້ສະແດງຄວາມຕ້ອນຮັບຢ່າງອົບອຸ່ນຕໍ່ ທ່ານ ພະອາຈານ ຊິເງະຢະ ນາກາໂນະ ກົງສູນກິດຕີມະສັກ ສປປ ລາວ ປະຈຳ ເມືອງນາໂກຢາ ປະເທດຍີ່ປຸ່ນ ພ້ອມທັງໄດ້ລາຍງານກ່ຽວກັບສະພາບຈຸດພິເສດ, ທີ່ຕັ້ງ ແລະ ສະພາບການພັດທະນາເສດ ຖະກິດ-ສັງຄົມຂອງແຂວງຈໍາປາສັກ ໃຫ້ຄະນະຜູ້ແທນດັ່ງກ່າວ ຮັບຊາບໂດຍສັງເຂບ. ນອກນີ້  ທ່ານ ເຈົ້າແຂວງຈຳປາສັກ ຍັງໄດ້ຍົກໃຫ້ເຫັນບັນດານະໂຍບາຍຕ່າງໆຂອງແຂວງ ໃນການອໍາ ນວຍຄວາມສະດວກໃຫ້ແກ່ນັກທຸລະກິດຕ່າງປະເທດ ທີ່ສົນໃຈຢາກເຂົ້າມາລົງທຶນຢູ່ພາຍໃນແຂວງ, ພ້ອມທັງດຶງດູດນັນລົງທືນຊາວຍິປຸ່ນ ຜູ້ທີ່ສົນໃຈຢາກຈະມາລົງທຶນຢູ່ແຂວງຈຳປາສັກເປັນຕົ້ນແມ່ນປະເພດ ການລົງທຶນທຸລະກິດດ້ານການທ່ອງທ່ຽວ, ການປູກຝັງ ເປັນຕົ້ນຕໍ.

ຕໍ່ມາ ທ່ານ ພະອາຈານ ຊິເງະຢະ ນາກາໂນະ ກໍ່ໄດ້ສະແດງຄວາມຂອບໃຈຕໍ່ການຕ້ອນຮັບຢ່າງອົບອຸ່ນຈາກການນໍາຂັ້ນສູງຂອງແຂວງຈໍາປາສັກ, ຈາກນັ້ນ ທ່ານຍັງໄດ້ລາຍງານສະພາບ-ຜົນງານການເຄື່ອນໄຫວຂອງກົງສູນກິດຕິມະສັກລາວ ກໍຄືສາຍພົວພັນມິດຕະພາບລະຫວ່າງ ສປປ ລາວ ແລະ ຍິປຸ່ນ ເວົ້າລາວ ເວົ້າສະເພາະກໍແມ່ນ ສາຍພົວພັນມິດຕະພາບລະຫວ່າງ ແຂວງຈຳປາສັກ ແລະ ເມືອງນາໂກຢາ ເຊິ່ງວ່າການພົວພັນລະຫວ່າງ ລາວ-ຍິປຸ່ນ ໄດ້ສືບຕໍ່ກັນມາກວ່າ 23 ປີ ແລ້ວ ແລະ ຜົນງານການສ້າງມະຫາວິທະຍາໄລ ໄອຈິ ກັກກຸອິນ ເປັນສະຖາບັນຄົ້ຮຄວ້າ ກ່ຽວກັບ ສປປລາວ, ການເຄື່ອນໄຫວ ຂອງ ມູນນິທິ ຜ່າຕັດສົບແຫວ່ງ ແລະ ເພດານໂຫວ່ ເຊິ່ງໃນ ສປປ ລາວ ມີຜູ້ປ່ວຍພະຍາດສົບແຫວ່ງ ແລະ ເພດານໂຫວ່າ ປະມານ 14,000 ຄົນ, ນອກນີ້ ກົງສູນກິດຕີມະສັກ ຍັງໄດ້ຊ່ວຍນຳສຽນພະພຸດທະຮູບອັນສັກລິດກັບສູ່ ສປປ ລາວ ກໍຄື ພະສາດຫີນວັດພູຈຳປາສັກ ມໍລະດົກໂລກອີກດ້ວຍ.

ໃນໂອກາດເດີນທາງມາເຄື່ອນໄຫວຢ້ຽມຢາມ ຢູ່ແຂວງຈຳປາສັກຄັ້ງນີ້ຄະນະກົງສູນກິດຕີມະສັກ ສປປ ລາວ ປະຈຳ ເມືອງນາໂກຢາ ປະເທດຍີ່ປຸ່ນ ຍັງໄດ້ເດີນທາງໄປທ່ຽວຊົມ-ນະມັດສະການພະສາດຫີນວັດພູຈຳປາສັກ ມໍລະດົກໂລກນຳອີກ.

 

ຂ່າວ-ພາບ: ທັດຊະນະ ແສງດາລາ

ຈຳນວນຜູ້ເຂົ້າຊົມ

82164
ມື້ນີ້:ມື້ນີ້:2
ມື້ວານນີ້:ມື້ວານນີ້:75
ອາທິດນີ້:ອາທິດນີ້:54
ເດືອນນີ້:ເດືອນນີ້:2048
ທັງໝົດ:ທັງໝົດ:82164