ເພີ່ມທະວີ ຄວາມສັກສິດ ແລະ ປະສິດທິຜົນ ໃນການບໍລິຫານ ແລະ ການຄຸ້ມຄອງລັດ-ສັງຄົມ,ສ້າງບາດກ້າວບຸກທະລຸ ອັນໝັກແໜ້ນ ໃນການນໍາພາປະເທດຊາດໃຫ້ຫຼຸດພົ້ນອອກຈາກສະຖານະພາບ ຂອງປະເທດດ້ອຍພັດທະນາ ໃນປີ 2020, ສໍາເລັດຄາດໝາຍສະຫັດສະຫວັດດ້ານການພັດທະນາ (MDGs) ປີ 2015 ແລະ ຈັດຕັ້ງປະຕິບັດແຜນພັດທະ ນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ VII ຢ່າງມີໄຊ!

ກອງປະຊຸມທາບທາມຄຳເຫັນ ຕໍ່ຮ່າງດຳລັດວ່າດ້ວຍການຄຸ້ມຄອງດ່ານຊາຍແດນ ຢູ່ 5 ແຂວງພາກໄຕ້.

 

ໃນວັນສຸກທີ 10 ສິງຫາ 2018 ທີ່ຜ່ານມານີ້ ໄດ້ມີກອງປະຊຸມທາບທາມຄຳເຫັນ ຕໍ່ຮ່າງດຳລັດ ວ່າດ້ວຍ ການຄຸ້ມຄອງດ່ານຊາຍແດນ 5ແຂວງພາກໄຕ້ ຢູ່ທີ່ຫ້ອງວ່າການແຂວງຈຳປາສັກ ໂດຍເປັນປະທານຂອງ ທ່ານ ປອ. ນາງ ສຸວັນເພັງ ບຸບຜານຸວົງ ລັດຖະມົນຕີປະຈຳສຳນັກງານນາຍົກລັດຖະມົນຕີ ພ້ອມດ້ວຍບັນດາຮອງເຈົ້າແຂວງ ຫົວໜ້າຫ້ອງວ່າການ 5 ແຂວງພາກໄຕ້, ຫົວໜ້າດ່ານທັງ 5 ແຂວງ ແລະ ພະແນກການທີ່ກ່ຽວຂ້ອງເຂົ້າຮ່ວມ.

ໃນໂອກາດກ່າວ ທ່ານ ປອ. ນາງ ສຸວັນເພັງ ບຸບຜານຸວົງ ລັດຖະມົນຕີປະຈຳສຳນັກງານນາຍົກລັດຖະມົນຕີ ປະທານກອງປະຊຸມ ຍັງໄດ້ກ່າວຈຸດປະສົງການປະຊຸມໃນເທື່ອນີ້ ແມ່ນເພື່ອ ປະກອບຄຳຄິດຄຳເຫັນໃສ່ຮ່າງດຳລັດ, ກຳນົດຫຼັກການ, ລະບຽບການ, ມາດຕະການ ກ່ຽວກັບການຄຸ້ມຄອງ ແລະ ຕິດຕາມ ກວດກາ ວຽກງານ ດ່ານຊາຍແດນ ເພື່ອເຮັດໃຫ້ວຽກງານດັ່ງກ່າວ ມີປະສິດທິຜົນ, ອຳນວຍຄວາມສະດວກ ໃນການບໍລິການ, ການ ແລກປ່ຽນສິນຄ່າ, ການເຂົ້າ-ອອກ ຂອງຜູ້ໂດຍສານ ໃຫ້ມີຄວາມວ່ອງໄວ ແລະ ຖືກຕ້ອງ ໂປ່ງໃສ ປະກອບ ສ່ວນສ້າງສາຍພົວພັນ ຮ່ວມມືມິດຕະພາບທີ່ດີ ກັບບັນດາປະເທດທີ່ມີຊາຍແດນຕິດຈອດກັບປະເທດເຮົາ, ບັນດາ ປະເທດໃນພາກພື້ນ ແລະ ສາກົນ; ແນໃສ່ເຮັດໃຫ້ການພັດທະນາເສດຖະກິດ-ສັງຄົມ ແຫ່ງຊາດ ມີການຂະຫຍາຍ ຕົວ ຢ່າງຕໍ່ເນື່ອງ ແລະ ຍືນຍົງ.

ຈາກນັ້ນບັນດາພາກສ່ວນຕ່າງໆ ຍັງໄດ້ຜັດປ່ຽນກັບປະກອບຄຳຄິດຄຳເຫັນຕໍ່ກັບຮ່າງດຳລັດ ວ່າດ້ວຍການຄຸ້ມຄອງດ່ານຊາຍແດນ ການກຳນົດຫຼັກການ, ຂັ້ນຕອນການສ້າງຕັ້ງດ່ານຊາຍແດນ, ການຄຸ້ມຄອງການເຂົ້າ-ອອກ ດ່ານຊາຍແດນຂອງຜູ້ໂດຍສານ, ຍານພາຫະນະ ແລະ ສິນຄ້າ, ຈັດຕັ້ງຄະນະຄຸ້ມຄອງດ່ານຊາຍແດນ ກຳນົດພາລະບົດບາດ, ສິດ ແລະ ໜ້າທີ່ ຂອງຄະນະຄຸ້ມຄອງດ່ານຊາຍແດນ, ກຳນົດໂຄງປະກອບຂອງ ຄະນະ ຄຸ້ມຄອງດ່ານຊາຍແດນ, ມາດຕະການພື້ນຖານໂຄງລ່າງ ຂອງດ່ານຊາຍແດນ ແລະ ອື່ນໆ ອີກດ້ວຍ.

ພາບ-ຂ່າວ: ທັດຊະນະ ແສງດາລາ.

ຈຳນວນຜູ້ເຂົ້າຊົມ

82164
ມື້ນີ້:ມື້ນີ້:2
ມື້ວານນີ້:ມື້ວານນີ້:75
ອາທິດນີ້:ອາທິດນີ້:54
ເດືອນນີ້:ເດືອນນີ້:2048
ທັງໝົດ:ທັງໝົດ:82164