ເພີ່ມທະວີ ຄວາມສັກສິດ ແລະ ປະສິດທິຜົນ ໃນການບໍລິຫານ ແລະ ການຄຸ້ມຄອງລັດ-ສັງຄົມ,ສ້າງບາດກ້າວບຸກທະລຸ ອັນໝັກແໜ້ນ ໃນການນໍາພາປະເທດຊາດໃຫ້ຫຼຸດພົ້ນອອກຈາກສະຖານະພາບ ຂອງປະເທດດ້ອຍພັດທະນາ ໃນປີ 2020, ສໍາເລັດຄາດໝາຍສະຫັດສະຫວັດດ້ານການພັດທະນາ (MDGs) ປີ 2015 ແລະ ຈັດຕັ້ງປະຕິບັດແຜນພັດທະ ນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ VII ຢ່າງມີໄຊ!

ກອງປະຊຸມຄະນະກຳມະການຮ່ວມມືຮັກສາຄວາມສະຫງົບຮຽບຮ້ອຍຕາມຊາຍແດນ ລາວ-ໄທ ລະຫວ່າງ ແຂວງຈຳປາສັກ ກັບ ຈັງຫວັດອຸບົນຣາຊະທານີ ຄັ້ງທີ 12

ກອງປະຊຸມຄະນະກຳມະການຮ່ວມມືຮັກສາຄວາມສະຫງົບຮຽບຮ້ອຍຕາມຊາຍແດນ ລາວ-ໄທ ລະຫວ່າງ ແຂວງຈຳປາສັກ ກັບ ຈັງຫວັດອຸບົນຣາຊະທານີ ຄັ້ງທີ 12 ໄດ້ຈັດຂື້ນໃນວັນທີ13 ກໍລະກົດ 2018 ທີ່ນະຄອນປາກເຊ ແຂວງຈຳປາສັກ ສປປລາວ

ໃນພິທີມີທ່ານ ບຸນຖອງ ດີວິໄຊ ກຳມະການສູນກາງ ເລຂາພັກແຂວງ ເຈົ້າແຂວງຈຳປາສັກ, ເປັນຫົວໜ້າຄະນະຜູ້ແທນ ແລະ ປະທານຮ່ວມ ຝ່າຍ ສປປລາວ; ທ່ານ ສະຣິດ ວິທູນ ຜູ້ວ່າຣາຊະການຈັງຫວັດອຸບົນຣາຊະທານີ, ເປັນຫົວໜ້າຜູ້ແທນ ແລະ ປະທານຮ່ວມຝ່າຍຣາຊະອານາຈັກໄທ; ພ້ອມດ້ວຍພະແນກການກົມກອງທີ່ກ່ຽວຂ້ອງທີ່ນອນໃນຄະນະກຳມະການຮ່ວມມືຮັກສາຄວາມສະຫງົບຮຽບຮ້ອຍຕາມຊາຍແດນ ລາວ-ໄທ, ບັນດາເມືອງ ທີ່ມີຊາຍແດນຕິດຈອດກັບຈັງຫວັດອຸບົນຣາຊະທານີ ຣາຊະອານາຈັກໄທ.

ກອງປະຊຸມໄດ້ປຶກສາຫາລືໃນຫົວຂໍ້ຕ່າງໆ ຕາມການຕົກລົງຮ່ວມມືໃນກອງປະຊຸມຄັ້ງຜ່ານມາ ແລະ ຕົກລົງເຫັນດີຮ່ວມກັນໃນຫຼາຍໜ້າວຽກດັ່ງນີ້: ການຮັກສາຄວາມສະຫງົບຮຽບຮ້ອຍຕາມຊາຍແດນ, ການຮ່ວມມືໃນການຮັກສາເສັ້ນຊາຍແດນ, ອຳນວຍຄວາມສະດວກ ແລະ ຮັກສາຄວາມປອດໄພໃນການເຂົ້າ-ອອກຕາມບໍລິເວນຈຸດຜ່ານແດນ, ການຮ່ວມມືປ້ອງກັນ ແລະ ປາບປາມຢາເສບຕິດ,   ການຮ່ວມມືໃນກໍລະນີບຸກຄົນຂອງແຕ່ລະຝ່າຍຖືກຈັບກຸມຄຸມຂັງ, ການຮ່ວມມືໃນການຮັກສາປ້ອງກັນຕະຝັ່ງເຈື່ອນ ແລະ ການແກ້ໄຂບັນຫາຕາມລຳແມ່ນ້ຳຂອງ, ການຮ່ວມມືໃນການພັດທະນາສີມືແຮງງານ ແລະ ກັນພັດທະນາຊັບພະຍາກອນມະນຸດ,  ຮ່ວມມືໃນການປ້ອງກັນການລັກລອບຊື້-ຂາຍສັດປ່າຂອງດົງທີ່ຜິດກົດໝາຍ,  ການຮ່ວມມືດ້ານສາທາລະນະສຸກ,   ການຮ່ວມມືດ້ານການຕໍ່ຕ້ານການຄ້າມະນຸດ, ການຮ່ວມມືດ້ານການສົ່ງເສີມ ແລະ ພັດທະນາ SMEs ເປັນຕົ້ນ.

 

ຈຳນວນຜູ້ເຂົ້າຊົມ

82164
ມື້ນີ້:ມື້ນີ້:2
ມື້ວານນີ້:ມື້ວານນີ້:75
ອາທິດນີ້:ອາທິດນີ້:54
ເດືອນນີ້:ເດືອນນີ້:2048
ທັງໝົດ:ທັງໝົດ:82164