ເພີ່ມທະວີ ຄວາມສັກສິດ ແລະ ປະສິດທິຜົນ ໃນການບໍລິຫານ ແລະ ການຄຸ້ມຄອງລັດ-ສັງຄົມ,ສ້າງບາດກ້າວບຸກທະລຸ ອັນໝັກແໜ້ນ ໃນການນໍາພາປະເທດຊາດໃຫ້ຫຼຸດພົ້ນອອກຈາກສະຖານະພາບ ຂອງປະເທດດ້ອຍພັດທະນາ ໃນປີ 2020, ສໍາເລັດຄາດໝາຍສະຫັດສະຫວັດດ້ານການພັດທະນາ (MDGs) ປີ 2015 ແລະ ຈັດຕັ້ງປະຕິບັດແຜນພັດທະ ນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ VII ຢ່າງມີໄຊ!

ກອງປະຊຸມອົງການປົກຄອງແຂວງຈຳປາສັກ ເປີດກວ້າງ ຄັ້ງທີII ປີ2018

ຊົ້າມື້ນີ້, ອົງການປົກຄອງແຂວງຈຳປາສັກ ໄດ້ເປີດ ກອງປະຊຸມອົງການປົກຄອງແຂວງເປີດກວ້າງ ຄັ້ງທີ II ປີ 2018 ຂຶ້ນ ໂດຍການເປັນປະທານ ຂອງ ທ່ານ ປອ.ບຸນຖອງ ດີວິໄຊ ກຳມະການສູນກາງພັກ, ເລຂາພັກແຂວງ, ເຈົ້າແຂວງໆຈຳປາສັກ ເຊິ່ງມີ ສະມາຊິກອົງການປົກຄອງແຂວງ, ຫົວຫນ້າອົງການພັກ, ອົງການນິຕິບັນຍັດ-ຕຸລາການ, ກົມກອງອ້ອມຂ້າງແຂວງ, ສະຖາບັນການສຶກສາພາກລັດ, ນະຄອນປາກເຊ ແລະ 9 ເມືອງ ເຂົ້າຮ່ວມ.

ກອງປະຊຸມຄັ້ງນີ້ ຈະດຳເນີນແຕ່ວັນທີ 9-10 ກໍລະກົດ 2018, ໂດຍຈະສຸມໃສ່ການຄົ້ນຄວ້າ, ພິຈາລະນາ ແລະ ຮັບຮອງ ເອົາບັນຫາສຳຄັນຕ່າງໆ ດັ້ງນີ້:

1) ສະຫລຸບລາຍງານການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດ ໄລຍະ 6 ເດືອນ ແລະ ທິດທາງແຜນການ 6 ເດືອນ ທ້າຍປີ 2018
- ການຈັດເກັບຄ່າທຳນຽມທາງ ປີ 2017, 2018

2) ການຈັດຕັ້ງປະຕິບັດ ແຜນງານໂຄງການສົ່ງເສີມການຜະລິດ ເປັນສິນຄ້າ, ການຜະລິດລະດູຝົນ ແລະ ແຜນຮອງຮັບໃສ່ສະພາບການຜະລິດ ທີ່ຖືກຜົນກະທົບຈາກໄພທຳມະຊາດ

3) ການຈັດຕັ້ງປະຕິບັດຄຳສັ່ງ ເລກທີ 15/ນຍ ແລະການຜັນຂະຫຍາຍ ແຈ້ງການເລກທີ 15/ປຊ.ປສ

4) ລາຍງານແຜນການກະກຽມຄວາມພ້ອມໃນການປ້ອງກັນ, ຄວບຄຸມ ແລະ ຟື້ນຟູໄພພິບັດ

5) ລາຍງານແຜນການກະກຽມຄວາມພ້ອມ ໃນການຄວບຄຸມພະຍາດລະບາດຕາມລະດູການ

6) ລາຍງານຄວາມຄືບຫນ້າໃນການ ສ້າງຮ່າງນິຕິກຳຂອງ ເຈົ້າແຂວງ 3 ສະບັບ

7) ສະຫລຸບລາຍງານ ຜົນການຈັດງານພິທີປະກາດນະຄອນປາກເຊ ແລະ ການຈັດຕັ້ງປະຕິບັດ ຂໍ້ຕົກລົງ ຂອງ ເຈົ້າແຂວງ ເລກທີ 962/ຈຂ.ຈສ

8) ຜ່ານ ຄຳສັ່ງ ເລກທີ 03/ນຍ, ລົງວັນທີ 9/2/2018, ວ່າດ້ວຍຄຸນນະພາບການເຄື່ອນໄຫວຂອງກົງຈັກການຈັດຕັ້ງ ແລະ ການບັນຈຸລັດຖະກອນໃຫມ່ ແລະ ແຈ້ງການ ເລກທີ 56/ພນ, ລົງວັນທີ 4/7/2018 ຂອງ ກະຊວງພາຍໃນ ກ່ຽວກັບການຜັນຂະຫຍາຍ ຄຳສັ່ງ ເລກທີ 03/ນຍ.

ຈຳນວນຜູ້ເຂົ້າຊົມ

82167
ມື້ນີ້:ມື້ນີ້:5
ມື້ວານນີ້:ມື້ວານນີ້:75
ອາທິດນີ້:ອາທິດນີ້:57
ເດືອນນີ້:ເດືອນນີ້:2051
ທັງໝົດ:ທັງໝົດ:82167