ຂ່ຳນັບຮັບຕ້ອນວັນຊາດທີ 2 ທັນວາ ຄົບຮອບ 42 ປີຢ່າງສຸດໃຈ!, ຮ່ວມກັນເປັນເຈົ້າພາບທີ່ດີໃນປີທ່ອງທ່ຽວລາວ 2018

ກອງປະຊຸມຄົບຄະນະບໍລິຫານງານພັກແຂວງຈຳປາສັກ ຄັ້ງທີ 7 ສະໄຫມທີ VII ໃນວັນທີ 19-21 ທັນວາ 2017

ອົງຄະນະພັກແຂວງຈຳປາສັກ ໄດ້ສຳເລັດການເປີດ ກອງປະຊຸມຄົບຄະນະບໍລິຫານງານພັກແຂວງ ຄັ້ງທີ 7 ສະໄຫມທີ VII ຂຶ້ນ ໃນວັນທີ 19-21 ທັນວາ 2017, ໂດຍການເປັນປະທານ ຂອງ ທ່ານ ປອ.ບຸນຖອງ ດີວິໄຊ ກຳມະການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງໆຈຳປາສັກ, ເຊິ່ງ ກອງປະຊຸມ ໄດ້ສຸມໃສ່ຄົ້ນຄວ້າປຶກສາຫາລືໃນ3ວຽກຄື:
1. ເພື່ອກວດກາຕີລາຄາຢ່າງຮອບດ້ານ ການຈັດຕັ້ງປະຕິບັດມະຕິ ກຊ ໃຫຍ່ ຄັ້ງທີ Xຂອງພັກ, ມະຕິ VII ຂອງອົງຄະນະພັກແຂວງ ກໍຄືການຊີ້ນຳ-ນຳພາ ຂອງຄະນະບໍລິຫານງານພັກແຂວງ ໃນປີ 2017 ແລະ ທິດທາງຫນ້າທີ່ ປີ 2018.
2. ເພື່ອປຶກສາຫາລື ແລະໃຫ້ທິດຊີ້ນຳ ກ່ຽວກັບການຫັນລົງກໍ່ສ້າງຮາກຖານການເມືອງ, ການຜັນຂະຫຍາຍ ມະຕິ 5 ສະໄຫມທີXຂອງສູນກາງພັກ.
3. ດຳເນີນຊີວິດການເມືອງ ພາຍໃນຄະນະບໍລິຫານງານພັກແຂວງ, ເລຂາພັກເມືອງ, ເລຂາຫນ່ວຍພັກ-ຄະນະພັກຮາກຖານ/ຫົວຫນ້າພະແນກການ ແລະກົມກອງອ້ອມຂ້າງແຂວງ ເພື່ອສຳຫລວດກວດກາ ແລະຕີລາຄາຄວາມຮັບຜິດຊອບລວມ ໃນການຈັດຕັ້ງຜັນຂະຫຍາຍມະຕິ ກຊ ໃຫຍ່ຂອງພັກ, ຂອງຂັ້ນຕົນ ຕິດພັນກັບຜົນການດຳເນີນຊີວິດການເມືອງປັບປຸງປົວແປງທົ່ວພັກ ປີ 2017 ແລະແກ້ໄຂບັນຫາທີ່ສຳຄັນ ຮີບດ່ວນຢູ່ພາຍໃນຄະນະພັກ ແລະສັງຄົມ.

ຈຳນວນຜູ້ເຂົ້າຊົມ

71023
ມື້ນີ້:ມື້ນີ້:77
ມື້ວານນີ້:ມື້ວານນີ້:83
ອາທິດນີ້:ອາທິດນີ້:268
ເດືອນນີ້:ເດືອນນີ້:2952
ທັງໝົດ:ທັງໝົດ:71023