ຂ່ຳນັບຮັບຕ້ອນວັນຊາດທີ 2 ທັນວາ ຄົບຮອບ 42 ປີຢ່າງສຸດໃຈ!, ຮ່ວມກັນເປັນເຈົ້າພາບທີ່ດີໃນປີທ່ອງທ່ຽວລາວ 2018

"ງານບຸນຊ່ວງເຮືອປະເພນີປະວໍລະນາອອກພັນສາ ປະຈຳປີ ພສ.2560 ຄສ.2017 ທີ່ເມືອງ ປາກເຊ,ແຂວງຈຳປາສັກ ຈັດຂື້ນຢ່າງຄືກຄື້ນກວ່າປີທີ່ຜ່ານມາ.

 


ງານບຸນຊ່ວງເຮືອປະເພນີປະວໍລະນາອອກພັນສາ ປະຈຳປີ ພສ.2560 ຄສ.2017 ທີ່ເມືອງ ປາກເຊ,ແຂວງຈຳປາສັກ ຈັດຂື້ນຢ່າງຄືກຄື້ນກວ່າປີທີ່ຜ່ານມາ."

ໃນຕອນເຊົ້າວັນສຸກ ວັນທີ 6 ຕຸລາ 2017 ທີ່ເມືອງປາກເຊ ໄດ້ເປີດງານການແຂ່ງຂັນຊ່ວງເຮືອໃນງານບຸນປະວໍລະນາອອກພັນສາຂື້ນເປັນວັນທີ 2 ທີ່ ສາຍນໍ້າເຊໂດນ,ເມືອງປາກເຊ ພາຍໃຕ້ການເປັນປະທານເປີດງານຂອງທ່ານ ສົມສະນິດ ບຸດຕິວົງ ກຳມະການພັກແຂວງຮອງໆເຈົ້າແຂວງໆຈຳປາສັກ ຄະນະຈັດງານບຸນຊ່ວງເຮືອງ ປະຈຳປີ ພສ.2560. ມີທ່ານ ສຸລິວັນສະຫວັດທະສິນ ກຳມະການພັກເມືອງ,ເຈົ້າເມືອງໆປາກເຊຮອງຄະນະກຳມະການຈັດງານ.
ໃນພິທີດັ່ງກ່າວທ່ານ ສຸລິວັນ ສະຫວັດທະສິນ ກຳມະການພັກເມືອງ ເຈົ້າເມືອງໆປາກເຊ ປະທານຄະນະກຳມະການຈັດງານ ຮັບຜິດຊອບຈັດງານໃນຄັ້ງນີ້. ໄດ້ຂຶ້ນລາຍງານກ່ຽວກັບການຈັດງານບຸນຊ່ວງເຮືອປະຈຳປີນີ້ ໂດຍໃນເບື້ອງຕົ້ນທ່ານໄດ້ຍົກໃຫ້ເຫັນໄດ້ເຖິງການປະຕິບັດຕາມຮີດຄອງປະເພນີຕາມແຕ່ລະປີ ເຊີ່ງປີນີ້ກໍເປັນປີໜຶ່ງທີ່ມີຄວາມສຳຄັນຍິ່ງແຕກຕ່າງຈາກທຸກປີ ເພາະປີນີ້ແມ່ນມີການຈັດການແຂ່ງຂັນຢູ່ 2 ວັນເລີ່ມແຕ່ວັນທີ 5-6/10/2017 ເຊີ່ງໃນວັນທຳອິດໄດ້ຈັດການແຂ່ງຂັນເຮືອກິລາ 12 ສີພາຍພ້ອມຄັດເລືອກແລະຈະຊິງຊະນະເລີດໃນວັນທີ 6/10/2017 ໃນນີ້ກໍເພື່ອອຳນວຍຄວາມສະດວກໃນການຈັດການແຂ່ງຂັນ ແລະຄະນະກຳມະການໄດ້ເອົາໃຈໃສ່ຢ່າງຕັ້ງໜ້າໃນການກະກຽມຈັດງານ ການຈັດການເຊີນເຮືອໃນແຕ່ລະບ້ານພາຍໃນແຂວງແລະຕ່າງແຂວງເຂົ້າຮ່ວມ ແລະທ່ານກໍໄດ້ສະແດງຄວາມຂອບໃຈມາຍັງຜູ້ທີ່ໃຫ້ການອຸປະຖຳສະໜັບສະໜູນຈາກຫຼາຍພາກສ່ວນຂອງພາກລັດແລະເອກກະຊົນ,ຫົວໜ່ວຍທຸລະກິດຫ້າງຮ້ານ,ສະຖາບັນການສຶກສາພາຍໃນແຂວງທີ່ໃຫ້ການສະໜັບສະໜູນດ້ວຍດີຕະຫຼອດມາ.
ໃນໂອກາດດັ່ງກ່າວ ທ່ານ ສົມສະນິດ ບຸດຕິວົງ ກຳມະການພັກແຂວງ ຮອງເຈົ້າແຂວງໆຈຳປາສັກ ຄະນະກຳຈັດງານ ກໍໄດ້ໃຫ້ກຽດຂື້ນລັ່ນກອງເສັງ 9 ບາດເພື່ອເປັນສັນຍານໃຫ້ແກ່ການເປີດງານການແຂ່ງຂັນຊ່ວງເຮືອ ປະຈຳປີ ພສ.2560 ຢ່າງເປັນທາງການ.
ໃນງານດັ່ງກ່າວຄະນະກຳມະການຈັດງານຍັງໄດ້ເປັນກຽດຕ້ອນຮັບການເຂົ້າຮ່ວມເປັນປະທານອັນອົບອຸ່ນ ຈາກທ່ານ ປະຣິນຍາເອກ ສອນໄຊ ສີພັນດອນ ກຳມະການກົມການເມືອງສູນກາງພັກ,ຮອງນາຍົກລັດຖະມົນຕີ, ທ່ານ ປະຣິນຍາເອກ ບຸນຖອງ ດີວິໄຊ ກຳມະການສູນກາງພັກ,ເລຂາພັກແຂວງເຈົ້າແຂວງໆຈຳປາສັກ. ກໍເປັນກຽດເຂົ້າຮ່ວມ ແລະທ່ານຄະນະປະທານຮ່ວມທັງສອງຍັງໄດ້ຮ່ວມຂື້ນຕີກອງເສັງປະຊັນກັນເຮັດໃຫ້ງານໄດ້ມີຄວາມໝາຍຂື້ນຕື່ມຂອງຄະນະການນຳທີ່ເຂົ້າຮ່ວມໃນງານດັ່ງກ່າວ.
---------------------------------------
ວັນທີ6ຕຸລາ2016
ສະຖານທີ່: ສາລາຄຳ, ເມືອງປາກເຊ,ແຂວງຈຳປາສັກ

ຈຳນວນຜູ້ເຂົ້າຊົມ

71025
ມື້ນີ້:ມື້ນີ້:79
ມື້ວານນີ້:ມື້ວານນີ້:83
ອາທິດນີ້:ອາທິດນີ້:270
ເດືອນນີ້:ເດືອນນີ້:2954
ທັງໝົດ:ທັງໝົດ:71025