ຂ່ຳນັບຮັບຕ້ອນວັນຊາດທີ 2 ທັນວາ ຄົບຮອບ 42 ປີຢ່າງສຸດໃຈ!, ຮ່ວມກັນເປັນເຈົ້າພາບທີ່ດີໃນປີທ່ອງທ່ຽວລາວ 2018

ລັດຖະມົນຕີກະຊວງ ສຶກສາ ແລະ ກິລາ ພົບປະໂອ້ລົມ ພະນັກງານ ຄູ, ອາຈານ ຢູ່ພະແນກ ສຶກສາທິການ ແລະ ກິລາ ແຂວງຈຳປາສັກ

ວຽກງານການສຶກສາ-ກິລາ ຕ້ອງເອົາໃຈໃສ່ ຈັດລຽງບູລິມະສິດ ແລະ ຍາດແຍ່ງ ການຊ່ວຍເຫຼືອ ຈາກສາກົນ ແລະ ພາກເອກະຊົນ ສ້າງ ແລະ ປັບປຸງ ຄຸນນະພາບ ການຮຽນ-ການສອນ ໃຫ້ບັນລຸເປົ້າໝາຍສະຫັດສະວັດ ທີ່ວາງໄວ້ ໃຫ້ປະກົດຜົນເປັນຈິງ.

ໃນວັນ​ທີ 25 ກັນຍາ 2017 ທ່ານ ນາງແສງເດືອນ ຫຼ້າຈັນທະບູນ ລັດຖະມົນ​ກະຊວງ​ ສຶກສາ​ທິການ ​ແລະ ກິລາ​ ໄດ້​ໂອ້ລົມຜູ້​ບໍລິຫານ​ການ​ສຶກສາ-ກິລາ ຢູ່ພະແນກສຶກສາທິການ ແລະ ກິລາ ແຂວງຈຳປາສັກ ໃນໂອກາດທີ່ລົງຊຸກຍູ້ ວຽກງານສຶກສາ-ກິລາ ແລະ ພົບປະຢ້ຽມຢາມ​ ພະນັກງານ​ຄູ-ອາຈານ ໂດຍ​​ໃຫ້​ກຽດ​ຕ້ອນຮັບ​ ຂອງ​ທ່ານ ນາງ ແສງສຸວັນ ຊຸຍພະສິດ ຫົວໜ້າພະແນກສຶກສາທິການ ແລະ ກິລາ ແຂວງຈຳປາສັກ, ຫົວໜ້າຂະແໜງ, ຮອງຫົວໜ້າຂະແໜງ ແລະ ພະນັກງານຄູ-ອາຈານ ​ເຂົ້າ​ຮ່ວມຕ້ອນຮັບ​ຢ່າງອົບອຸ່ນ. ​

ທ່ານລັດຖະມົນຕີ ໄດ້ໂອ້ລົມໂດຍເນັ້ນໃຫ້ພະນັກງານ ຄູ-ອາຈານ, ຜູ້ບໍລິຫານ ການສຶກສາ-ກິລາ ຕ້ອງເອົາໃຈໃສ່ ອົບຮົມການເມືອງແນວຄິດ, ເອົາໃຈໃສ່ພັດທະນາເດັກ ກ່ອນໄວຮຽນ ວຽກງານລ້ຽງເດັກອະນຸບານ ບ່ອນໃດທີ່ມີເງື່ອນໄຂເໝາະສົມ ໃຫ້ໄດ້ຮັບການຂະຫຍາຍ ປຸກລະດົມຊຸກຍູ້ ສົ່ງເສີມໃຫ້ອັດຕາການເຂົ້າຮຽນ ສູງລື່ນເກົ່າ, ການສິດສອນຕ້ອງໄປຕາມ 3 ລັກສະນະ 5 ຫຼັກມູນ ການສອນຈະດ້ວຍວິທີໃດ ກໍ່ຕາມສິ່ງສຳຄັນເຮັດໃຫ້ນັກຮຽນເຂົ້າໃຈກໍພໍ, ສຳລັບສົກປີ 2017-2018 ນີ້ ຫ້າມພະແນກສຶກສາທິການ ແລະ ກິລາແຂວງ, ເມືອງ ອະນຸຍາດ ໃຫ້ພະນັກງານຄູ-ອາຈານ ຍົກຍ້າຍໄປຢູ່ຂະແໜງອື່ນ ເດັດຂາດ ຍ້ອນວ່າໄລຍະນີ້ເຫັນວ່າຂາດຄູ ຜູ້ທີ່ຈະສິດສອນເປັນຈຳນວນຫຼາຍ ພະແນກສຶກສາ-ກິລາ ແຂວງ ຕ້ອງໄດ້ລົງພື້ນຖານ ສົມທົບກັບ ສຶກສາ-ກິລາເມືອງ ແລະ ຜູ້ອຳນວຍການໂຮງຮຽນ ຢ່າງຮີບດ່ວນ, ການສະເຫຼີມສະຫຼອງວັນຄູປີນີ້ ຕ້ອງເຊີນພະນັກງານອະວຸໂສ້ບຳນານ ເຂົ້າຮ່ວມ ແລະ ເຊີນເພີ່ນໃຫ້ກຽດປາຖະກະຖາ ມູນເຊື້ອວັນຄູແຫ່ງຊາດ, ພື້ນຖານໂຄງລ່າງໃຫ້ຈັດບູລິມະສິດ ໂດຍສະເພາະການກໍ່ສ້າງອາຄານຮຽນ ຕ້ອງກຳນົດຈຸດໃຫ້ຄັກແນ່, ຍາດແຍ່ງ ແລະ ລະດົມແຫຼ່ງທຶນ ຈາກສາກົນ ແລະ ພາກເອກະຊົນ ປະກອບສ່ວນຊ່ວຍຊຸກຍູ້, ພະແນກ ແລະ ຂະແໜງການ ຕ້ອງສ້າງແຜນງົບປະມານ ໃຫ້ຊັດເຈນ ເພື່ອຈັດລຽງເປັນບູລິມະສິດ, ພະນັກງານຜູ້ບໍລິຫານ ການສຶກສາ ຕ້ອງເປັນຫຼັກແຫຼ່ງໃນການນຳພາ, ເອົາໃຈໃສ່ສ້າງນັກຮຽນດີ ຮຽນເກັ່ງ ມີຄຸນສົມບັດ ນຳພາວຽກງານສຶກສາ-ກິລາ ກ້າວກະໂດດທຽມທັນ ກັບ ສາກົນ ເພື່ອໃຫ້ບັນລຸເປົ້າໝາຍສະຫັດສະວັດ ທີ່ວາງໄວ້.

ໂດຍ:ຂາວພອນ ມ້າວຄຳຜິວ

ຈຳນວນຜູ້ເຂົ້າຊົມ

71024
ມື້ນີ້:ມື້ນີ້:78
ມື້ວານນີ້:ມື້ວານນີ້:83
ອາທິດນີ້:ອາທິດນີ້:269
ເດືອນນີ້:ເດືອນນີ້:2953
ທັງໝົດ:ທັງໝົດ:71024