ເພີ່ມທະວີ ຄວາມສັກສິດ ແລະ ປະສິດທິຜົນ ໃນການບໍລິຫານ ແລະ ການຄຸ້ມຄອງລັດ-ສັງຄົມ,ສ້າງບາດກ້າວບຸກທະລຸ ອັນໝັກແໜ້ນ ໃນການນໍາພາປະເທດຊາດໃຫ້ຫຼຸດພົ້ນອອກຈາກສະຖານະພາບ ຂອງປະເທດດ້ອຍພັດທະນາ ໃນປີ 2020, ສໍາເລັດຄາດໝາຍສະຫັດສະຫວັດດ້ານການພັດທະນາ (MDGs) ປີ 2015 ແລະ ຈັດຕັ້ງປະຕິບັດແຜນພັດທະ ນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ VII ຢ່າງມີໄຊ!

ທ່ານ ປອ.ບຸນຖອງ ດີວິໄຊ ເຈົ້າແຂວງຈໍາປາສັກ, ພ້ອມການນໍາຂອງແຂວງ ໄດ້ນໍາເອົາສັງກະສີ, ເຂົ້າສານ ແລະ ເຄື່ອງໃຊ້ອື່ນໆ ມອບໃຫ້ຜູ້ໄດ້ຮັບຜົນກະທົບ ຈາກໄພນໍ້າຖ້ວມຢູ່ເມືອງຊະນະສົມບູນ

27/9/2019 ທ່ານ ປອ.ບຸນຖອງ ດີວິໄຊ ເຈົ້າແຂວງຈໍາປາສັກ, ພ້ອມການນໍາຂອງແຂວງ ໄດ້ນໍາເອົາສັງກະສີ ຈໍານວນ 880 ແຜ່ນ,ມູນຄ່າ 138.600.000 ກີບ, ເຂົ້າສານ 55 ສອບ, ຖັງໃສ່ນໍ້າ 55 ຖັງ ແລະ ເຄື່ອງໃຊ້ອື່ນໆ ມາມອບໃຫ້ຜູ້ໄດ້ຮັບຜົນກະທົບ ຈາກໄພນໍ້າຖ້ວມຢູ່ເມືອງຊະນະສົມບູນ ຈໍານວນ 55 ຄອບຄົວ ທີ່ຖືກນໍ້າພັດເຮືອນເປເພບໍ່ສາມາດສ້ອມແປງຄືນໄດ້ ແລະ ເຮືອນທີ່ຖືກນໍ້າພັດສູນຫາຍ. (ມີບ້ານຄີລີ,ແຊລະບໍາ,ນາຂາມ,ດອນແຊ,ໂຊໂລໃຫຍ່, ບ້ານເດື່ອ).

ທ່ານ ປອ. ບຸນທອງ ຈິດມະນີ ຮອງນາຍົກລັດຖະມົນຕີ, ປະທານຄະນະກວດກາສູນກາງພັກ ລົງເຄື່ອນໄຫວຊີ້ນໍາວຽກງານຢູ່ແຂວງຈໍາປາສັກ

ໃນທ້າຍອາທິດທີ່ຜ່ານມານີ້, (20 ກັນຍາ 2019) ຢູ່ຫ້ອງວ່າການແຂວງຈໍາປາສັກ, ທ່ານ ປອ. ບຸນທອງ ຈິດມະນີ ກຳມະການກົມການເມືອງສູນກາງພັກ, ເລຂາທິການສູນກາງພັກ, ຮອງນາຍົກລັດຖະມົນຕີ, ປະທານຄະນະກວດກາສູນກາງພັກ, ປະທານອົງການກວດກາລັດຖະບານ ແລະ ຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ ພ້ອມດ້ວຍບັນດາທ່ານຮອງລັດຖະມົນຕີ ແລະ ຄະນະຕິດຕາມ, ໄດ້ລົງເຄື່ອນໄຫວຊີ້ນໍາວຽກງານ ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ສະພາບໄພພິບັດ, ການແກ້ໄຂ, ຟື້ນຟູ ພາຍຫຼັງນ້ຳຖ້ວມ ແລະ ການກະກຽມກອງປະຊຸມໃຫຍ່ 3 ຂັ້ນ ຂອງພັກ ຢູ່ແຂວງຈໍາປາສັກ, ໃຫ້ການຕ້ອນຮັບໂດຍ ທ່ານ ປອ. ບຸນຖອງ ດີວິໄຊ ກຳມະການສູນກາງພັກ, ເລຂາພັກແຂວງ, ເຈົ້າແຂວງຈໍາປາສັກ  ມີບັນດາທ່ານຮອງເລຂາພັກແຂວງ ແລະ ຄະນະປະຈຳພັກແຂວງ ເຂົ້າຮ່ວມ.

ໃນໂອກາດນີ້ ທ່ານ ປອ. ບຸນຖອງ ດີວິໄຊ ເລຂາພັກແຂວງ, ເຈົ້າແຂວງຈໍາປາສັກ   ໄດ້ລາຍງານກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ສະພາບໄພພິບັດນ້ຳຖ້ວມ, ການແກ້ໄຂບັນເທົາທຸກ, ຟື້ນຟູ ພາຍຫຼັງນ້ຳຖ້ວມ ແລະ ການກະກຽມ ກອງປະຊຸມໃຫຍ່ 3 ຂັ້ນ ຂອງພັກ ຢູ່ແຂວງຈຳປາສັກ ດ້ວຍຄວາມຮັບຜິດຊອບສູງ.

ໂອກາດດັ່ງກ່າວ ທ່ານ ປອ. ບຸນທອງ ຈິດມະນີ ກຳມະການກົມການເມືອງສູນກາງພັກ, ເລຂາທິການສູນກາງພັກ, ຮອງນາຍົກລັດຖະມົນຕີ, ປະທານຄະນະກວດກາສູນກາງພັກ, ປະທານອົງການກວດກາລັດຖະບານ ໄດ້ມອບເຄື່ອງບັນເທົາທຸກ ແລະເງິນ ຈຳນວນ 100.000.000 ກີບ ໃຫ້ແຂວງຈຳປາສັກເພື່ອນຳໄປຊ່ວຍເຫຼືອ ຟື້ນຟູຊີວິດການເປັນຢູ່ຂອງປະຊາຊົນ ທີ່ປະສົບໄພນ້ຳຖ້ວມໃຫ້ດີຂື້ນ.

 ຂ່າວ: ທັດຊະນະ ຫວຂ

ທ່ານ ສົມສະໜິດ ບຸດຕິວົງ ຮອງເຈົ້າແຂວງຈຳປາສັກ ຕ້ອນຮັບ ທ່ານ ອາດສະພັງທອງ ສີພັນດອນ ຮອງເຈົ້າຄອງນະຄອນຫຼວງວຽງຈັນ

 

ໃນວັນທີ 25 ກັນຍາ 2019 ນີ້, ຢູ່ຫ້ອງວ່າການແຂວງຈຳປາສັກ, ທ່ານ ສົມສະໜິດ ບຸດຕິວົງ ຮອງເຈົ້າແຂວງຈຳປາສັກ, ມີ ທ່ານ ບົວລີ ເພັດສົງຄາມ ຫົວໜ້າຫ້ອງວ່າການແຂວງຈຳປາສັກ, ໄດ້ໃຫ້ການຕ້ອນຮັບ ທ່ານ ອາດສະພັງທອງ ສີພັນດອນ ຮອງເຈົ້າຄອງນະຄອນຫຼວງວຽງຈັນ ພ້ອມດ້ວຍຄະນະຕິດຕາມ, ໂອກາດທີ່ທ່ານເດີນທາງມາຢ້ຽມຢາມແຂວງຈຳປາສັກໃນຄັ້ງນີ້ ທ່ານໄດ້ກ່າວລາຍງານສະພາບການຈັດຕັ້ງປະຕິບັດວຽກງານຢູ່ນະຄອນຫຼວງວຽງຈັນໃຫ້ຄະນະນຳແຂວງຈຳປາສັກໄດ້ຮັບຊາບ, ຈາກນັ້ນ, ທ່ານ ສົມສະໜິດ ບຸດຕິວົງ ຮອງເຈົ້າແຂວງຈຳປາສັກ ກໍ່ຍັງໄດ້ແຈ້ງໃຫ້ຮູ້ກ່ຽວກັບສະພາບລວມຂອງແຂວງ, ການຈັດຕັ້ງປະຕິບັດຫຼັງໄພພິບັດນ້ຳຖ້ວມ, ການແກ້ໄຂບັນເທົາທຸກ ແລະ ການກະກຽມ ກອງປະຊຸມໃຫຍ່ 3 ຂັ້ນ ຂອງພັກແຂວງຈຳປາສັກ ທີ່ຈະມາເຖິງ.

ໃນໂອກາດທີ່ຄະນະດັ່ງກ່າວເດີນທາງມາຢ້ຽມຢາມແຂວງຈຳປາສັກ ຄັ້ງນີ້ ຍັງເປັນຕົວແທນມອບນ້ຳໃຈຈາກຄະນະພັກ, ອົງການປົກຄອງ, ສະພາປະຊາຊົນ ແລະປະຊາຊົນຊາວນະຄອນຫຼວງວຽງຈັນ ຊ່ວຍຜູ້ປະສົບໄພນ້ຳຖ້ວມ ຢູ່ແຂວງຈຳປາສັກ ເປັນເງິນສົດ 30 ລ້ານກີບ, ພ້ອມເຄື່ອງອຸປະໂພກ ແລະບໍລິໂພກ ມູນຄ່າ 29 ລ້ານກວ່າກີບ; ລວມມູນຄ່າ 59 ລ້ານກວ່າກີບ.

ໃນມື້ດຽວກັນ ຍັງໄດ້ຮັບເງິນຮ່ວມບໍລິຈາກຊ່ວຍເຫຼືອໄພນ້ຳຖ້ວມຢູ່ແຂວງຈຳປາສັກ ຈາກບໍລິສັດ ຜະຫຼິດແປ້ງມັນຕົ້ນ KPN ເປັນເງິນຈຳນວນ 10 ລ້ານກີບ, ບໍລິສັດ ອິອອນ ບໍລິການເຊົ່າສິນເຊື່ອ (ລາວ) ຈຳກັດ ເປັນເງິນຈຳນວນ 5 ລ້ານກີບ ແລະຈາກພາກສ່ວນທະນາຄານສົ່ງເສີມກະສິກຳ ສາຂາແຂວງຈຳປາສັກ ເປັນເງິນຈຳນວນອີກ 3 ລ້ານກີບ.

 ຂ່າວ: ທັດຊະນະ ຫວຂ.

ທ່ານ ສົມສະໜິດ ບຸດຕິວົງ ຮອງເລຂາພັກແຂວງ, ຮອງເຈົ້າແຂວງຈຳປາສັກ ຕ້ອນຮັບຄະນະພະແນກຍຸຕິທຳແຂວງ ບິ່ງດິ່ງ ສສ ຫວຽດນາມ

23 ກັນຍາ 2019 ທ່ານ ສົມສະໜິດ ບຸດຕິວົງ ຮອງເລຂາພັກແຂວງ, ຮອງເຈົ້າແຂວງຈຳປາສັກ ຕ້ອນຮັບຄະນະພະແນກຍຸຕິທຳແຂວງ ບິ່ງດິ່ງ ສສ ຫວຽດນາມ.

ທ່ານ ສົມສະໜິດ ບຸດຕິວົງ ຮອງເລຂາພັກແຂວງ, ຮອງເຈົ້າແຂວງຈຳປາສັກ ໄດ້ໃຫ້ກຽດຕ້ອນຮັບ ທ່ານ ເລ ວັນ ຕວັນ ກຳມະການພັກແຂວງ, ຫົວໜ້າພະແນກຍຸຕິທຳແຂວງ ບິ່ງດີ້ງ ສສ ຫວຽດນາມ ພ້ອມດ້ວຍຄະນະຕິດຕາມ, ມີຕ່າງໜ້າພະແນກຍຸຕິທຳແຂວງ, ຕ່າງໜ້າກົງສຸນໃຫຍ່ ສສ ຫວຽດນາມປະຈຳພາກໄຕ້ລາວ ເຂົ້າຮ່ວມ ໃນໂອກາດທີ່ເດີນທາງມາຢ້ຽມຢາມ, ແລກປ່ຽນບົດຮຽນຢູ່ແຂວງຈຳປາສັກ ໃນຄັ້ງວັນທີ 23- 26 ກັນຍາ 2019 ນີ້.

ກ່ອນອື່ນ ທ່ານ ສົມສະໜິດ ບຸດຕິວົງ ໄດ້ສະແດງການຕ້ອນຮັບ ພ້ອມທັງໄດ້ຕີລາຄາສູງຕໍ່ການມາຢ້ຽມຢາມຂອງ ທ່ານ ເລ ວັນຕວັນ ກຳມະການພັກແຂວງ, ຫົວໜ້າພະແນກຍຸຕິທຳແຂວງ ບິ່ງດີ້ງ ສສ ຫວຽດນາມ ພ້ອມຄະນະໃນຄັ້ງນີ້ ເຊິ່ງເປັນຂີດໝາຍສຳຄັນ ໃຫ້ແກ່ການເພີ່ມພູນຄູນສ້າງ ສາຍພົວພັນມິດຕະພາບອັນດີງາມ, ກໍຄືວຽກງານຍຸຕິທຳ ລະຫວ່າງ ແຂວງບິ່ງດີ້ງ ສສ ຫວຽດນາມ ແລະ ແຂວງຈຳປາສັກ ສ ປປລາວ ໃຫ້ດີຂື້ນ.​ໃນໂອກາດສຳຄັນດັ່ງກ່າວ ທ່ານ ເລ ວັນ ຕວັນ ກຳມະການພັກແຂວງ, ຫົວໜ້າພະແນກຍຸຕິທຳແຂວງ ບິ່ງດີ້ງ ສສ ຫວຽດນາມ ໄດ້ກ່າວສະແດງຄວາມຂອບໃຈຢ່າງສູງຕໍ່ການຕ້ອນຮັບອັນອົບອຸ່ນຂອງຄະນະນຳແຂວງຈຳປາສັກ ພ້ອມດຽວກັນນັ້ນກໍ່ຂໍໃຫ້ແຂວງຈຳປາສັກສືບຕໍ່ຊຸກຍູ້ທຸກໆ ບົດຮຽນການຮ່ວມມືທີ່ຖອດຖອນໄດ້ ກໍຄືວຽກງານຍຸຕິທຳນັ້ນເອງ.

ຂ່າວ: ທັດຊະນະ ຫວຂ.

ຈຳນວນຜູ້ເຂົ້າຊົມ

91157
ມື້ນີ້:ມື້ນີ້:56
ມື້ວານນີ້:ມື້ວານນີ້:82
ອາທິດນີ້:ອາທິດນີ້:117
ເດືອນນີ້:ເດືອນນີ້:1293
ທັງໝົດ:ທັງໝົດ:91157