ເພີ່ມທະວີ ຄວາມສັກສິດ ແລະ ປະສິດທິຜົນ ໃນການບໍລິຫານ ແລະ ການຄຸ້ມຄອງລັດ-ສັງຄົມ,ສ້າງບາດກ້າວບຸກທະລຸ ອັນໝັກແໜ້ນ ໃນການນໍາພາປະເທດຊາດໃຫ້ຫຼຸດພົ້ນອອກຈາກສະຖານະພາບ ຂອງປະເທດດ້ອຍພັດທະນາ ໃນປີ 2020, ສໍາເລັດຄາດໝາຍສະຫັດສະຫວັດດ້ານການພັດທະນາ (MDGs) ປີ 2015 ແລະ ຈັດຕັ້ງປະຕິບັດແຜນພັດທະ ນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ VII ຢ່າງມີໄຊ!

ຮອງເຈົ້າ​ແຂວງ​ຈຳປາ​ສັກ ​ເນັ້ນ​ໃຫ້ຄູ-​ອາຈານ ​ເອົາ​ໃຈ​ໃສ່ ສ້າງຊັບພະຍາກອນມະນຸດ ແຕ່ຂັ້ນພື້ນຖານ

 

​​ການສ້າງຊັບພະຍາກອນມະນຸດ ຂະແໜງ​ການ​ສຶກສາ-​ກິລາ ຕ້ອງ​ເອົາໃຈໃສ່ແຕ່ຂັ້ນພື້ນຖານ ເລີ່ມແຕ່ລ້ຽງເດັກ ຮອດຂັ້ນສຸດທ້າຍ ຂອງລະບົບສາມັນ. ສ້າງຄົນໃຫ້ມີຄຸນນະພາບ ມີຄຸນສົມບັດມີນໍ້າໃຈສາມັກຄີ ມີວິໄນ ສ້າງຄົນເພື່ອໄປແກ້ໄຂວຽກງານ ນຳພາທຸກວຽກອົງການຈັດຕັ້ງ ໃຫ້ໄດ້ຮັບ​ການ​ພັດທະນາທີ່​ດີ​ຂື້ນ​ເລື້ອຍໆ.

ໃນ​ວັນ​ທີ 27 ກັນຍາ 2017 ຢູ່ສູນໄອຊີທີ ພະແນກສຶກສາທິການ ແລະ ກິລາ ແຂວງຈຳປາສັກ ໄດ້​ເປີດກອງປະຊຸມ ຜູ້ບໍລິຫານການສຶກສາ ທົ່ວແຂວງຈຳປາສັກ ປະຈຳປີ ​ໂດຍ​ເປັນ​ກຽດ​ເຂົ້າ​ຮ່ວມ​ ຂອງ​ທ່ານ ສົມສະໜິດ ບຸດຕິວົງ ຮອງເລຂາພັກແຂວງ ຮອງ​ເຈົ້າ​ແຂວງ​ຈຳປາ​ສັກ, ທ່ານ ນາງ ​ແສງ​ສຸວັນ ຊຸຍ​ພະ​ສິດ ​ຫົວໜ້າພະ​ແນ​ກສຶກສາ​ທິການ ​ແລະ​ ກິລາ ​ແຂວງ​ຈຳປາ​ສັກ ພ້ອມ​ຄະນະ, ມີຮອງເຈົ້າເມືອງ 10 ຕົວເມືອງ, ຫົວໜ້າຫ້ອງການສຶກສາ 10 ຕົວເມືອງ, ຜູ້ອຳນວຍການໂຮງຮຽນ ອ້ອມຂ້າງ, ຫົວໜ້າຮອງຂະແໜງພາຍໃນ, ພະແນກສຶກສາ-ກິລາ ແຂວງ ​ເຂົ້າ​ຮ່ວມ.

ທ່ານ ສົມສະໜິດ ບຸດຕິວົງ ຮອງເຈົ້າແຂວງຈຳປາສັກ ໄດ້​​ເນັ້ນໜັກຫຼາຍບັນຫາໃຫ້ຜູ້ບໍລິຫານ ການສຶກສາ-ກິລາ, ພະນັກງານຄູ-ອາຈານ ຕ້ອງເອົາໃຈໃສ່ສ້າງ ຊັບພະຍາກອນມະນຸດ ເລີ່ມແຕ່ລ້ຽງເດັກອະນຸບານ, ປະຖົມ, ມັດທະຍົມ ຈົນກ້າວໄປລະດັບວິຊາຊີບ ເຮັດແນວໃດໃຫ້ເດັກ ມີພັດທະນາການທີ່ດີ ມີຄວາມສາມາດ, ສະຫຼາດ ກ້າສະແດງອອກ ຢ່າງສະຫງ່າ ສິ່ງສຳຄັນ ສ້າງຄົນເພື່ອເອົາພັດທະນາວຽກງານ ແກ້ໄຂວຽກງານ ໃຫ້ບັນລຸຜົນສຳເລັດ, ຄູເປັນປັດໄຈສຳຄັນທີ່ຈະປ້ອນອາຫານ ໃນສິ່ງດີມີປະໂຫຍດແກ່ເຂົາເຈົ້າ, ຜູ້ປົກຄອງ ແລະ ສັງຄົມຕ້ອງເປັນເຈົ້າການ ຊ່ວຍກະຕຸກຊຸກຍູ້ບຳລຸງຮັກສາ ບົວລະບັດເຮັດໃຫ້ເດັກ ເຕີບໂຕຢ່າງມີສະຖຽນລະພາບ ທີ່ງົດງາມ, ການສຶກສາເປັນສິ່ງສຳຄັນ ແລະ ເປັນສິ່ງທີ່ດີທີ່ສຸດ.

ສະນັ້ນ, ຄູຕ້ອງມີຄຸນສົມບັດ ມີຈັນຍາບັນ ຈັນຍາທຳ, ການສ້າງໂຮງຮຽນສີຂຽວ ຕ້ອງເປັນໜ້າທີ່ຂອງຄູ-ອາຈານ ເຮັດແນວໃດກະຕາມ ຕ້ອງໃຫ້ສະພາບແວດລ້ອມ ພາຍໃນໂຮງຮຽນດີ ດຶງດູດຈິດໃຈ ໃຫ້ລູກຫຼານເຂົ້າຮຽນ, ສືບຕໍ່ປະເມີນຜົນຄືນ ກ່ຽວກັບ ການຮຽນ-ການສອນ ມັດທະຍົມຕົ້ນບຳລຸງ, ວຽກງານກິລາ ຕ້ອງເອົາໃຈໃສ່ສູ້ຊົນ ສ້າງນັກກິລາ, ຊອກຫາງົບປະມານ ເພື່ອສະໜອງຕອບ ການເຂົ້າຮ່ວມກິລາ ແຫ່ງຊາດ ທີ່ຈະມາເຖິງ, ຊຸກຍູ້ພາກເອກະຊົນ ປະກອບສ່ວນ ສ້າງພື້ນຖານໂຄງລ່າງ ດ້ານການສຶກສາ-ກິລາ ໃຫ້ສາມາດຕອບສະໜອງ ແກ້ໄຂໄດ້ສ່ວນໃດໜຶ່ງ, ຕ້ອງຮຽນແຕ່ລະແຫ່ງ ການຈັດການຮຽນ-ການສອນ ຕ້ອງໄປຕາມ 3 ລັກສະນະ ແລະ 5 ລັກມູນ ການສຶກສາ, ເອົາໃຈໃສ່ຊັບຊ້ອນພະນັກງານຄູ-ອາຈານ ໄປສິດສອນແຕ່ລະບ່ອນ ໃຫ້ທົ່ວເຖິງ, ຄຽງຄູ່ກັບ ການຈັດການຮຽນ-ການສອນ ຕ້ອງເອົາໃຈໃສ່ ສຶກສາອົບຮົມການເມືອງແນວຄິດ ເຊື່ອມຊືມແນວທາງ ນະໂຍບາຍຂອງພັກ-ລັດ ດ້ວຍມະຕິຕ່າງໆ ລະບຽບກົດໝາຍ ຂອງພັກ-ລັດ.

ໂດຍ:ຂາວພອນ ມ້າວຄຳຜິວ

ຮອງເຈົ້າແຂວງຈຳປາສັກ ລົງຊີ້ນຳວຽກງານ ຂະແໜງການ ສຶກສາ-ກິລາ

ຮອງເຈົ້າແຂວງຈຳປາສັກລົງຊີ້ນຳວຽກງານຂະແໜງການສຶກສາ-ກິລາ

ເພື່ອເຮັດໃຫ້ວຽກງານ ຂອງຂະແໜງການສຶກສາ-ກິລາ ພາຍໃນແຂວງຈຳປາສັກ ໄດ້ມີໃບໜ້າອັນໃໝ່ ທີ່ມີການປ່ຽນແປງ ໄປໃນທ່າຂະຫຍາຍດີຂື້ນ ຕາມລຳດັບ ສ້າງໄດ້ຄຸນນະພາບການສຶກສາ ໃຫ້ຫຍັບເຂົ້າມໍ່ສາກົນ ເທື່ອລະກ້າວ ຕາມທິດນຳຂອງພັກ ທີ່ວາງໄວ້ ໂດຍຖືກເອົາວຽກງານ ການສຶກສາ-ກິລາ ເປັນປາຍແຫຼມ  ໃນການພັດທະນາ ຊັບພະຍາກອນມະນຸດ ເພື່ອສະໜອງຕອບ ໃນທຸກວຽກງານ ໃຫ້ພຽງພໍ ແລະ ມີຄຸນນະພາບ.

          ໃນວັນທີ 27 ເມສາ 2017 ທ່ານ ບົວລິນ ວົງພະຈັນ ຮອງເຈົ້າແຂວງຈຳປາສັກ ໄດ້ລົງເຄື່ອນໄຫວເຮັດວຽກ ຢູ່ 2 ຈຸດຄື:   ຈຸດພະແນກສຶກສາທິການ ແລະ ກິລາ ແຂວງຈຳປາສັກ ໂດຍໃຫ້ກຽດຕ້ອນຮັບ ຂອງທ່ານ ສີ ພັນທະວົງ ຮອງຫົວໜ້າພະແນກ ສຶກສາທິການ ແລະ ກິລາແຂວງຈຳປາສັກ, ມີຜູ້ອຳນວຍການໂຮງຮຽນອ້ອມຂ້າງ, ຫົວໜ້າຂະແໜງ ຮອງຂະແໜງ ພາຍໃນພະແນກ ສກຂ ຈຳປາສັກ ເຂົ້າຮ່ວມ ແລະ ຈຸດວິທະຍາໄລຄູ ປາກເຊ ໃຫ້ກຽດຕ້ອນຮັບ ໂດຍທ່ານ ພອນ ພູວັນໂນ ຮັກສາການຜູ້ອຳນວຍການ ວິທະຍາໄລຄູປາກເຊ ພ້ອມຄະນະ, ມີພະນັກງານຄູ-ອາຈານ ເຂົ້າຮ່ວມແຕ່ລະຈຸດ ທີ່ທ່ານຮອງເຈົ້າແຂວງ ໄດ້ລົງເຄື່ອນໄຫວໂອ້ລົມ ຊີ້ທິດເຍືອງທາງນັ້ນ ແມ່ນໄດ້ຮັບຟັງການລາຍງານ ສະພາບລວມ ຈຸດພິເສດດ້ານດີ, ດ້ານອ່ອນ, ຂໍ້ຄົງຄ້າງ ທິດທາງແກ້ໃຂໃນຕໍ່ໜ້າ ຫຼັງຈາກນັ້ນທ່ານໄດ້ໂອ້ລົມ ພ້ອມຊີ້ທິດເຍືອງທາງ ໃຫ້ທາງສອງແຫ່ງເອົາໃຈໃສ່ ປະຕິບັດຢ່າງເຂັ້ມງວດ ຄື: ຜູ້ບໍລິຫານການສຶກສາທຸກຂັ້ນ ຕ້ອງສ້າງຄ່ານິຍົມ ໃຫ້ເກີດມີໃນຂະແໜງການ ສຶກສາ-ກິລາ, ຈັດຕັ້ງປະຕິບັດ ການຈັດການຮຽນ-ການສອນ ໃຫ້ດີລື່ນເກົ່າ, ຜູ້ບໍລິຫານການສຶກສາທຸກຂັ້ນ ຕ້ອງລົງເລິກຕິດແທບໃຫ້ທົ່ວເຖິງ, ໂຮງຮຽນ ສະຖາບັນຕ່າງໆ ຕ້ອງປະຕິບັດຕາມຂໍ້ແຂ່ງຂັນ 4 ບຸກທະລຸ, ມີການວາງແຜນ ຊອກຫາວິທີແກ້ໄຂທີ່ແທດເໝາະ, ການສັບຊ້ອນພະນັກງານ ຄູ-ອາຈານ ໃຫ້ຖືກຕ້ອງ, ຕີຕ້ານປະກົດການຫຍໍ້ທໍ້ ໃນຂະແໜງການສຶກສາ ໂດຍສະເພາະລູກຫຼານ ຂອງພໍ່ແມ່ປະຊາຊົນ ເຮັດແນວໃດຈະສ້າງໃຫ້ເຂົາເປັນຄົນດີ ຮັກຄວາມກ້າວໜ້າ, ເອົາໃຈໃສ່ສຶກສາອົບຮົມ ທາງດ້ານການເມືອງ ແນວຄິດໃຈຖັນແຖວພະນັກງານ ຄູ-ອາຈານ ນັກຮຽນນັກສຶກສາ ບໍ່ໃຫ້ເຂົາເຈົ້າອ່ອນເພຍເປ້ຍລ່ອຍ, ນັກຮຽນບໍ່ສົນຕໍ່ການຮຽນມັກຫຼີ້ນ ແຕ່ໂທລະສັບ ໃຫ້ຜູ້ບໍລິຫານການສຶກສາ ທຸກຂັ້ນມີທິດແກ້ໄຂ, ຕ້ອງຍົກລະດັບຄູອາຈານທີ່ສິດສອນ ໃຫ້ມີຄວາມຮູ້ຄວາມສາມາດສູງລື່ນເກົ່າ ກາຍເປັນຄູປະສົບການ,ຄູສຳນານງານ, ວຽກງານການສຶກສາທຸກຢ່າງ ຕ້ອງມີການປະເມີນຜົນ ລົງຕິດຕາມກວດກາຢ່າງຖີ່ຖ້ວນ, ເອົາໃຈໃສ່ສ້າງຄູປະສົບການ ໃຫ້ຫຼາຍຂື້ນ, ຜູ້ບໍລິຫານ ຕ້ອງກວດກາເບິ່ງຄືນ ເພື່ອມີທິດກຳນົດ້ປົ້າໝາຍ ສ້າງຮຸ່ນສືບທອດ, ສ້າງບຸກຄະລາກອນຕ້ອງໄປຕາມ 3 ລັກສະນະ ແລະ 5 ຫຼັກມູນ, ຕ້ອງຕີລາຄາການນຳພາໃນໄລຍະຜ່ານມາ ອັນໃດປະຕິບັດໄດ້ອັນຍັງຄົງຄ້າງ, ຄູ-ອາຈານ ຕ້ອງນຳໃຊ້ຄວາມຮູ້ຄວາມສາມາດ ສິດສອນຢ່າງເຕັມເມັດເຕັມໜ່ວຍ ປະຕິບັດໜ້າທີ່ສົດຊື່ນແຈ່ມໃສ ດ້ວຍການຮັກອາຊີບແພງ ນັກຮຽນຄ, ຄູຕ້ອງມີຄວາມກະຕື້ລືລົ້ນ ສ້າງສະຖາບັນໃຫ້ເຂັ້ມແຂງ, ສ້າງຄ່ານິຍົມໃຫ້ເພີ່ມຂື້ນ, ສະຖາບັນສ້າງຄູຈະຕ້ອງສ້າງຄູແນວໃດ, ເມື່ອສ້າງແລ້ວກໍ່ຕ້ອງເບິ່ງຄືນໃຫ້ຄັກ ການນຳໃຊ້ຄູຕ້ອງປະຕິບັດນະໂຍບາຍ ໃຫ້ດີເທົ່າທີຄວນ, ຍົກຖານະ ໃນການສຶກສາຮໍ່າຮຽນ ພາສາຕ່າງປະເທດ ໃຫ້ຫຼາຍຂື້ນ, ຈະສ້າງຄູແນວໃດເພື່ອຈະເປັນຜູ້ຕັດສິນຊີ້ຂາດ ໃນການສ້າງຄົນຮຸ່ນໜຸ່ມ ເພື່ອເຮັດໜ້າຂອງຊາດ.

ວາງສິລືກໂຄງການກໍ່ສ້າງເຂື່່ອນໄຟຟ້າດອນສະໂຮງມູນຄ່າຫຼາຍຮ້ອຍລ້ານໂດລາ.

ວັນ​ທີ 16 ສິງຫາ 2016 ທີ່​ດອນ​ສະ​ໂຮງ​ເມືອງ​ໂຂງ ຈຳປາສັກໄດ້ຈັດພິທີວາງສິລາລືກໂຄງການກໍ່ສ້າງເຂື່ອນໄຟຟ້າດອນສະໂຮງ ມູນຄ່າຫຼາຍຮ້ອຍລ້ານໂດລາສະຫະລັດ ທີ່ມີກຳລັງຕິດຕັ້ງເຖິງ 260​ ເມກາວັດ, ເຊິ່ງໃຫ້ກຽດເຂົ້າຮ່ວມຂອງທ່ານ ປອ ສອນໄຊ ສີພັນດອນ ກຳມະການກົມການເມືອງສູນກາງພັກ ຮອງນາຍົກ ລັດຖະມົນຕີແຫ່ງ ສປປ ລາວ, ມີ ທ່ານ ດຣ ຄຳມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່, ທ່ານ ປອ ບຸນຖອງ ດີວິໄຊ ກຳມະການສູນກາງພັກ ເລຂາພັກແຂວງ ເຈົ້າແຂວງໆຈຳປາສັກ. ມີຂະແໜງການທີ່ກ່ຽວຂ້ອງຈາກກະຊວງ ແລະ ທ້ອງຖິ່ນເຂົ້າຮ່ວມຢ່າງພ້ອມພຽງ.

 ໃນພິທີ ທ່ານ ດຣ ຄຳມະນີ ອິນທິລາດ ໃຫ້ຮູ້ວ່າ: ໂຄງການກໍ່ສ້າງເຂື່ອນໄຟຟ້າດອນສະໂຮງ ແມ່ນໂຄງການໜຶ່ງທີ່ສຳຄັນ, ຊຶ່ງຖືກກຳນົດຢູ່ໃນແຜນແມ່ບົດຂອງການພັດທະນາລະບົບໄຟຟ້າຢູ່ບ້ານເຮົາແຕ່ນີ້ຮອດປີ 2020 ຕາມແນວທາງ, ແຜນຍຸດທະສາດ ການຫັນເປັນອຸດສາຫະກຳທີ່ທັນສະໄໝ. ໂຄງການດັ່ງກ່າວໄດ້ກໍ່ສ້າງຂຶ້ນໃສ່ກິ່ງກ້ານສາຂາ ຫຼື ຮູສະໂຮງໃນຈຳນວນ 9 ຮູ ຂອງແມ່ນ້ຳໃນເຂດເມືອງໂຂງ, ເປັນໂຄງການໃຫຍ່ນຳໃຊ້ເຕັກນິກລະດັບສູງ, ທັນສະໄໝ, ມີລັກສະນະຄົບວົງຈອນ ແລະ ເປັນມິດກັບສິ່ງແວດລ້ອມ-ສັງຄົມ . ເມື່ອສ້າງສຳເລັດແລ້ວຈະມີກຳລັງຕິດຕັ້ງເຖິງ 260 ​ເມກາວັດ ແລະ ຈະນຳໃຊ້ທຶນເຂົ້າໃນການກໍ່ສ້າງທັງໝົດ 520 ລ້ານໂດລາສະຫະລັດ. ໂຄງການດັ່ງກ່າວຈະໃຫ້ສໍາເລັດໃນປີ 2019.

ທ່ານ ປອ ບຸນຖອງ ດີວິໄຊ ໃຫ້ຮູ້ຕື່ມວ່າ:ໂຄງການເຂື່ອນໄຟຟ້າດອນສະໂຮງ ເປັນໂຄງການໜຶ່ງທີ່ກະຕຸກຊຸກຍູ້ ແລະ ປະກອບສ່ວນອັນສຳຄັນເຂົ້າໃນການພັດທະນາເສດຖະກິດ-ສັງຄົມຂອງຊາດ ເວົ້າລວມເວົ້າສະເພາະກໍ່ຄືແຂວງຈຳປາສັກ. ກ່ອນອື່ນໝົດແມ່ນຜົນປະໂຫຍດທາງດ້ານເສດຖະກິດ ເຊິ່ງພວກເຮົາຈະໄດ້ຮັບຜົນປະໂຫຍດທາງກົງ ຈາກການເກັບຄ່າພາກຫຼວງ, ເງິນປັນຜົນ, ລວມທັງພາສີອາກອນອື່ນໆ ແລະ ທີ່ສຳຄັນແມ່ນຈະໄດ້ພະລັງງານໄຟຟ້າມາເສີມສ້າງຄວາມໝັ້ນຄົງໃຫ້ແກ່ລະບົບໄຟຟ້າລາວ ເພື່ອຕອບສະໜອງໃຫ້ແກ່ການພັດທະນາອຸດສາຫະກຳ,ການບໍລິການ ແລະ ການລົງທຶນ ກ້າວຂຶ້ນຕາມທິດຫັນເປັນອຸດສາຫະກຳ ແລະ ທັນສະໄໝ. ກາຍເປັນແມ່ແຮງອັນສໍາຄັນແກ່ການຊຸກຍູ້ການພັດທະນາຂອງທ້ອງຖິ່ນ, ຫັນປ່ຽນແບບແຜນການດຳລົງຊີວິດຂອງປະຊາຊົນແບບທຳມະຊາດ, ເຄິ່ງທຳມະຊາດ ໄປສູ່ຜະລິດເປັນສິນຄ້າທີ່ຍືນຍົງຕາມທິດກ້າວຂຶ້ນສັງຄົມນິຍົມເທື່ອລະກ້າວ.

 

 

ຈຳນວນຜູ້ເຂົ້າຊົມ

85071
ມື້ນີ້:ມື້ນີ້:91
ມື້ວານນີ້:ມື້ວານນີ້:82
ອາທິດນີ້:ອາທິດນີ້:247
ເດືອນນີ້:ເດືອນນີ້:2405
ທັງໝົດ:ທັງໝົດ:85071