ເພີ່ມທະວີ ຄວາມສັກສິດ ແລະ ປະສິດທິຜົນ ໃນການບໍລິຫານ ແລະ ການຄຸ້ມຄອງລັດ-ສັງຄົມ,ສ້າງບາດກ້າວບຸກທະລຸ ອັນໝັກແໜ້ນ ໃນການນໍາພາປະເທດຊາດໃຫ້ຫຼຸດພົ້ນອອກຈາກສະຖານະພາບ ຂອງປະເທດດ້ອຍພັດທະນາ ໃນປີ 2020, ສໍາເລັດຄາດໝາຍສະຫັດສະຫວັດດ້ານການພັດທະນາ (MDGs) ປີ 2015 ແລະ ຈັດຕັ້ງປະຕິບັດແຜນພັດທະ ນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ VII ຢ່າງມີໄຊ!

ທ່ານຮອງນາຍົກເນັ້ນຫຼາຍວຽກງານສຳຄັນໃຫ້ແຂວງຈຳປາສັກເອົາໃຈໃສ່

ທ່ານ ປອ ສອນໄຊ ສີພັນດອນ ກຳມະການກົມການເມືອງສູນກາງພັກ ຮອງນາຍົກລັດຖະມົນຕີ ແຫ່ງ ສປປ ລາວໄດ້ເນັ້ນໃຫ້ອຳນາດການປົກຄອງແຂວງຈຳປາສັກໃຫ້ເອົາໃຈໃສ່ຫຼາຍວຽກງານທີ່ສຳຄັນ ໃນໂອກາດທີ່ທ່ານລົງມາຢ້ຽມຢາມ ແລະ ເຮັດວຽກຢູ່​ແຂວງ​ຈຳປາ​ສັກໃນວັນທີ 15 ສິງຫາ 2016 ນີ້ທີ່ຫ້ອງວ່າການປົກ ຄອງແຂວງດັ່ງກ່າວ. ໃຫ້ກຽດຕ້ອນຮັບໂດຍທ່ານ ປອ ບຸນຖອງ ດີວິໄຊ ກຳມະການສູນກາງພັກ ເລຂາພັກແຂວງ ເຈົ້າແຂວງໆຈຳປາສັກ, ພ້ອມຄະນະນຳຂັ້ນສູງຂອງແຂວງ ​ແລະ ​ເມືອງ.

Read more: ທ່ານຮອງນາຍົກເນັ້ນຫຼາຍວຽກງານສຳຄັນໃຫ້ແຂວງຈຳປາສັກເອົາໃຈໃສ່

ທ່ານ ເຈົ້າແຂວງໆ ຈຳປາສັກ ໄດ້ນຳພາຄະນະຜູ້ແທນຂັ້ນສູງແຂວງຈຳປາສັກ ໄປທັດສະນະສຶກສາທີ່ປະເທດໄທ

ໃນລະຫວ່າງວັນທີ 26-30 ມີຖຸນາ 2016 ທ່ານ ເຈົ້າແຂວງໆ ຈຳປາສັກ ໄດ້ນຳພາຄະນະຜູ້ແທນຂັ້ນສູງ ຂອງແຂວງ ໄປທັດສະນະສຶກສາທີ່ປະເທດໄທ ເພື່ອສຶກສາຄົ້ນຄ້ວາກ່ຽວກັບການທ່ອງທ່ຽວແບບອະນຸລັກ (Home stay) ທີ່ບ້ານ ແມ່ຄຳປອງ, ເມືອງແມ່ອອນ,ແຂວງຊຽງໄໝ່ ແລະ ການຜະລິດກະສິກຳອິນຊີ ທີ່ມະຫາວິທະຍາໄລ ແມ່ໂຈ້, ໂດຍການໃຫ້ກຽດຮ່ວມເດີນທາງ  ຂອງ ທ່ານ ບຸນເກີດ ສັງສົມສັກ ລັດຖະມົນຕີ ປະຈຳຫ້ອງວ່າການສຳນັກງານນາຍົກລັດຖະມົນຕີ ແຫ່ງ ສປປ ລາວ.

ເຈົ້າແຂວງໆ ຈຳປາສັກ ລົງເຄື່ອນໄຫວ ຍ່າງສຳຫຼວດພື້ນທີ່ຂອງ ມະຫາວິທະຍາໄລ ຈໍາປາສັກ

 

ໃນຕອນເຊົ້າເວລາ 6.00 ​ໂມງ​, ຂອງວັນທີ 20 ມີຖຸນາ 2016, ທີ່ມະຫາວິທະຍາໄລຈຳປາສັກໄດ້ດຳເນີນການຍ່າງສຳຫຼວດພື້ນທີ່ຂອງມະຫາວິທະຍາໄລ ຈໍາປາສັກ, ພາຍ​​ໃຕ້ການເປັນປະທານຂອງ ທ່ານ ປອ ບຸນຖອງ ດີວິໄຊ, ກຳມະການສູນກາງພັກ, ເລຂາຄະນະບໍລິຫານງານ ພັກແຂວງ-ເຈົ້າແຂວງໆຈຳປາສັກ, ​ໂດຍການເຂົ້າຮ່ວມຂອງ ທ່ານຮອງເຈົ້າແຂວງ (ຜູ້ຊີ້ນຳວຽກງານວັດທະນະທຳ-ສັງຄົມ), ອະທິການບໍດີ ມະຫາວິທະຍາໄລ ຈຳປາສັກ, ບັນດາພະແນກການອ້ອມຂ້າງ ແຂວງແລະ ເມືອງກ່ຽວຂ້ອງ ​​ເຂົ້າຮ່ວມທັງໝົດ 21 ທ່ານ, ຍິງ 1 ທ່ານ; ​ເຊິ່ງຈຸດປະສົງຂອງການສຳຫຼວດພື້ນທີ່ໃນຄັ້ງນີ້ເພື່ອເກັບກຳຂໍ້ມູນ, ສະພາບການນຳໃຊ້ຕົວຈິງແລະ ການ​​ເຂົ້ານຳໃຊ້ພື້ນທີ່​​ເຮັດການຜະລິດ ຂອງບຸກຄົນແນໃສ່ເພື່ອຄົ້ນຄວ້າ, ດັດປັບພື້ນທີ່ການຄຸ້ມຄອງນຳໃຊ້​​ ແລະ ພັດທະນາ ໃຫ້ເໝາະສົມທັງສອດຄ່ອງກັບສະພາບຄວາມເປັນຈິງ.​

ເມືອງບາຈຽງລະເລີນສຸກ ໄດ້ຈັດງານເທດສະການໝາກໄມ້ປະຈຳປີ

ໃນວັນທີ 17 ມີຖຸນາ 2016 ທີ່ບ້ານ ສີຊຽງໄໝ່ (ຫຼັກ 16) ກຸ່ມ4 ເມືອງບາຈຽງຈະເລີນສຸກ ໄດ້ຈັດງານ ເທດສະການໝາກໄມ້ ປະຈຳປີ ຂອງເມືອງບາຈຽງຈະເລີນສຸກ ແຂວງຈຳປາສັກ ຄັ້ງທີ12 ງານດັ່ງກ່າວໄດ້ຈັດຂື້ນ ມາແລ້ວ12 ປີຊ້ອນ, ແລະ ກາຍເປັນເທດສະການປະຈຳປີຂອງບ້ານດັ່ງກ່າວ ໃຫ້ກຽດເຂົ້າຮ່ວມ ແລະ ຫລັ່ນຄ້ອງເປີດງານຢ່າງເປັນທາງການ ຈາກທ່ານ ປອ. ບຸຖອງ ດີວິໄຊ ກຳມະການສູນກາງພັກ ເລຂາພັກແຂວງ ເຈົ້າແຂວງໆ ຈຳປາສັກ ມີຫ່າງຮ້ານວາງສະແດງ ຈຳໜ່າຍ ໝາກໄມ້ ແລະ ຜະລິດຕະພັນໜື່ງເມືອງໜື່ງຜະລິດຕະພັນ (ODOP) ເຂົ້າ ຮ່ວມທັງໝົດ 28 ຮ້ານ.

 

ຈຳນວນຜູ້ເຂົ້າຊົມ

82166
ມື້ນີ້:ມື້ນີ້:4
ມື້ວານນີ້:ມື້ວານນີ້:75
ອາທິດນີ້:ອາທິດນີ້:56
ເດືອນນີ້:ເດືອນນີ້:2050
ທັງໝົດ:ທັງໝົດ:82166