ຂ່ຳນັບຮັບຕ້ອນວັນຊາດທີ 2 ທັນວາ ຄົບຮອບ 42 ປີຢ່າງສຸດໃຈ!, ຮ່ວມກັນເປັນເຈົ້າພາບທີ່ດີໃນປີທ່ອງທ່ຽວລາວ 2018

ເມືອງບາຈຽງລະເລີນສຸກ ໄດ້ຈັດງານເທດສະການໝາກໄມ້ປະຈຳປີ

ໃນວັນທີ 17 ມີຖຸນາ 2016 ທີ່ບ້ານ ສີຊຽງໄໝ່ (ຫຼັກ 16) ກຸ່ມ4 ເມືອງບາຈຽງຈະເລີນສຸກ ໄດ້ຈັດງານ ເທດສະການໝາກໄມ້ ປະຈຳປີ ຂອງເມືອງບາຈຽງຈະເລີນສຸກ ແຂວງຈຳປາສັກ ຄັ້ງທີ12 ງານດັ່ງກ່າວໄດ້ຈັດຂື້ນ ມາແລ້ວ12 ປີຊ້ອນ, ແລະ ກາຍເປັນເທດສະການປະຈຳປີຂອງບ້ານດັ່ງກ່າວ ໃຫ້ກຽດເຂົ້າຮ່ວມ ແລະ ຫລັ່ນຄ້ອງເປີດງານຢ່າງເປັນທາງການ ຈາກທ່ານ ປອ. ບຸຖອງ ດີວິໄຊ ກຳມະການສູນກາງພັກ ເລຂາພັກແຂວງ ເຈົ້າແຂວງໆ ຈຳປາສັກ ມີຫ່າງຮ້ານວາງສະແດງ ຈຳໜ່າຍ ໝາກໄມ້ ແລະ ຜະລິດຕະພັນໜື່ງເມືອງໜື່ງຜະລິດຕະພັນ (ODOP) ເຂົ້າ ຮ່ວມທັງໝົດ 28 ຮ້ານ.

 

ທ່ານ ປ.ອ ບຸນຖອງ ດີ ວິໄຊ , ກຳມະການສູນກາງພັກ ເລຂາພັກແຂວງ ເຈົ້າແຂວງໆ ຈຳປາສັກ ຕ້ອນຣັບຄະນະຜູ້ແທນຂັ້ນສູງການທະຫານ ແຫ່ງສປ ຈີນ

 

ໃນວັນທີ 26-27/05/2016 ທ່ານ ປ.ອ ບຸນຖອງ ດີວິໄຊ , ກຳມະການສູນກາງພັກ ເລຂາພັກແຂວງ ເຈົ້າແຂວງໆ ຈຳປາສັກ ຕ້ອນຮັບຄະນະຜູ້ແທນຂັ້ນສູງການທະຫານ ແຫ່ງສປ ຈີນ, ນຳໂດຍພະນະທ່ານ ຊາງວ້ານສວນ, ລັດຖະມົນຕີກະຊວງປ້ອງກັນປະເທດ ພ້ອມຄະນະທີ່ເດີນທາງມາຢ໊ຽມຢາມ ແລະ ທ່ອງທ່ຽວແຂວງຈຳປາສັກ, ເນື່ອງໃນໂອກາດມາຢ້ຽມຢາມ ແລະ ເຣັດວຽກ ຢູ່ສປປ ລາວ, ເຂົ້າຣ່ວມຕ້ອນຮັບບມີ ຄະນະປະຈຳພັກແຂວງ, ຫົວໜ້າຫ້ອງວ່າການປົກຄອງແຂວງ, ພະແນກການຕ່າງປະເທດ ຫ້ອງການຄະນະກຳມະການ ປກຊ-ປກສ ແຂວງ, ກອງບັນຊາການທະຫານແຂວງ ແລະ ຄະນະພັກ-ຄະນະບັນຊາກອງພົນທີ5 ພ້ອມທັງໄດ້ຈັດງານລ້ຽງ ອາຫານຄ່ຳ ຕ້ອນຮັບຢ່າງສົມກຽດ.

ກອງປະຊຸມເຊື່ອມຊຶມມະຕິກອງປະຊຸມໃຫຍ່ ຄັ້ງທີX ຂອງພັກ ຊຸດທີ I ໃຫ້ພະນັກງານຫຼັກແຫຼ່ງ, ນຳພາ ຄັ້ງວັນທີ 23-25 ພຶດສະພາ 2016 ຢູ່ແຂວງຈຳປາສັກ

 

 

ໃນຕອນເຊົ້າວັນທີ 23 ພຶດສະພາ 2016, ຄະນະບໍລິຫານງານພັກແຂວງໆຈຳປາສັກໄດ້ເປີດບັ້ນການ ເຊື່ອມຊືມມະຕິ X ຂອງພັກໃຫ້ພະນັກງານນຳພາຄຸ້ມຄອງໃນທົ່ວແຂວງ, ຈຳນວນເປົ້າໝາຍເຂົ້າຮ່ວມ ເຊື່ອມ ຊຶມທັງໝົດ 700 ກວ່າສະຫາຍ, ຊຶ່ງຈະໄດ້ຈັດຂື້ນເປັນ 2 ຊຸດ, ຊຸດທີ 1 ເລີ່ມແຕ່ວັນທີ 23-25 ພຶດສະພາແລະຊຸດທີ 2 ຈະເປີດຂື້ນໃນວັນທີ 30-31/5-1/6/2016. ເນື້ອໃນເອກະສານທີ່ນຳມາເຊື່ອມຊືມປະກອບມີ 03 ບົດ, ຄື: ບົດທີ 1 ຜົນສຳເລັດການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ IX ຂອງພັກ, ບົດທີ 2 ບັນດາຄາດ ໝາຍໃຫຍ່ສຳລັບໄລຍະຮອດປີ 2030, 2025 ແລະ 2020 ແລະບົດທີ 3 ທິດທາງວຽກງານຈຸດສຸມ ສຳລັບ ໄລຍະແຕ່ປີ 2016-2020 ເພື່ອນຳພາປະເທດຊາດຫຼຸດພົ້ນອອກຈາກສະຖານະພາບຄວາມດ້ອຍພັດທະນາ. ໃຫ້ ກຽດເຂົ້າຮ່ວມກ່າວເປີດແລະບັນລະຍາຍເອກະສານບົດທີ 1 ໂດຍສະຫາຍ.. ບຸນຖອງດີວິໄຊ, ກຳມະ ການສູນກາງພັກ-ເລຂາພັກແຂວງ-ເຈົ້າແຂວງໆຈຳປາສັກ.

ຫ້ອງວ່າການປົກຄອງແຂວງຈຳປາສັກ ສະເຫຼີມສະຫຼອງປີໃໝ່ລາວ

 

ວັນທີ 11 ເມສາຜ່ານມານີ້ ທີ່ຫ້ອງວ່າການປົກຄອງແຂວງຈຳປາສັກ ໄດ້ຈັດພິທີສະເຫຼີມສະຫຼອງບຸນປີ ໃໝ່ລາວ ເພື່ອສົ່ງທ້າຍປີເກົ່າ ພສ 2558 ແລະ ຕ້ອນຮັບປີໃໝ່ລາວ ພສ 2559 ຮ່ວມກັບບັນດາພະແນກການ ກົມກອງອ້ອມຂ້າງແຂວງ ແລະ ຫ້ອງວ່າການປົກຄອງ10ເມືອງ, ໂດຍການເປັນກຽດເຂົ້າຮ່ວມຂອງ ທ່ານ ດຣ ບຸນຖອງ ດີວິໄຊ ເລຂາພັກແຂວງ ເຈົ້າແຂວງໆ ຈຳປາສັກ ພ້ອມດ້ວຍ ພັນລະຍາ, ມີບັນດາຄະນະນຳຂອງແຂວງ, ພະນັກງານອາວຸໂສບຳນານ ເຂົ້າຮ່ວມຢ່າງຟົດຟື້ນ.

Read more: ຫ້ອງວ່າການປົກຄອງແຂວງຈຳປາສັກ ສະເຫຼີມສະຫຼອງປີໃໝ່ລາວ

ຈຳນວນຜູ້ເຂົ້າຊົມ

77088
ມື້ນີ້:ມື້ນີ້:112
ມື້ວານນີ້:ມື້ວານນີ້:114
ອາທິດນີ້:ອາທິດນີ້:416
ເດືອນນີ້:ເດືອນນີ້:1944
ທັງໝົດ:ທັງໝົດ:77088